Keshegi jarys kúninde júzý sportynyń ókilderi kezekti júldelerdi sarapqa saldy. Áıelder arasyndaǵy 1 500 metr qashyqtyqqa erkin stılde júzý jarysynda otandasymyz Dıana Tasjanova jarys jolyna shyǵyp, irikteý kezeńinen óte almady. Degenmen ol atalǵan qashyqtyqty 17 mınýt 09,98 sekýndta júzip ótip, Qazaqstannyń jáne óziniń jeke rekordyn jańartty. Buǵan deıingi el rekordy 17 mınýt 23,37 sekýnd bolatyn. 31 sportshy baq synaǵan jarysta otandasymyz 29-nátıje kórsetti.
Sondaı-aq júzý boıynsha álem chempıonatynyń ekinshi kúninde Qazaqstan quramasynan taǵy eki sportshy baq synady. 100 metr qashyqtyqta Ksenııa Ignatova 1.02.34 nátıjemen 32-orynǵa ıe bolsa, 100 metrge brass ádisimen júzýde Adelaıda Pchelınseva 42-nátıje kórsetti (1.11.41). Qazirgi tańda Qazaqstan quramasy jalpykomandalyq esepte 1 qola júldemen 31-orynda tur. Ázirge jalǵyz medaldi artıstik júzý boıynsha óner kórsetken Edýard Kım jeńip alǵan bolatyn.
