«Qyzmetkerler belsendi azamattardyń qatysýymen kompanııanyń qyzmetin erte kezeńde toqtatty. Bul aldanǵan ınvestorlardyń sanyn azaıtýǵa múmkindik berdi. S-Group kompanııasynyń ókilderi salymshylarǵa aıyna 6%-dan 8%-ǵa deıin nemese jylyna 70%-dan astam joǵary kiriske ýáde bergen. Depozıttiń eń tómengi somasy $100 quraıdy. Sondaı-aq salymshylardy óz artynan tartqan jaǵdaıda somanyń 5 paıyzy kóleminde kepildendirilgen kiris qarastyrylǵan. Bul rette klıentterge aqshany qabyldaý faktisin rastaıtyn qujattar men kelisimder usynylmaǵan, salym somasy jeke kabınette sıfrlyq túrde kórsetilip, salynǵan qarajatty alý múmkindigi bolmaǵan», dep habarlady vedomstvo.
Qazirgi ýaqytta sotqa deıingi tergeý amaldary júrgizilip jatyr. Kúdiktige qatysty «qamaý túrindegi» bultartpaý sharasy sanksııalandy.
QMA qyzmetkerleri QR Konstıtýsııasynyń 77-babynyń 3-tarmaǵynyń 1-tarmaqshasyna jáne QR Qylmystyq-prosestik kodeksiniń 19-babynyń 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árkim kinásiz dep esepteletinin eske saldy.
