Bilim • 29 Shilde, 2023

Túrkistandyq oqýshylar ǵaryshtaǵy nanospýtnıkpen baılanys ornatty

310 ret
kórsetildi
1 mın
oqý úshin

Elimizdegi jalǵyz spýtnıktik robototehnıka úıirmesi Túrkistan qalasyndaǵy oqýshylar saraıynda jumys istep tur. Atalǵan úıirmege qatysatyn 30-ǵa jýyq oqýshynyń kóbi - qyz balalar, dep habarlaıdy Egemen.kz

Túrkistandyq oqýshylar ǵaryshtaǵy nanospýtnıkpen baılanys ornatty

Foto: Oqý-aǵartý mınıstrligi. Instagram.

Spýtnıktik robot tehnıkasy úıirmesindegi oqýshylar bir jyl ishinde aıtarlyqtaı jetistikterge qol jetkizipti. Olar ǵaryshtaǵy nanospýtnıkpen baılanys ornatyp, aýa temperatýrasy, qysym, ylǵaldylyq pen aýanyń lastanýy týraly málimetter jınaǵan eken. Byltyrǵy jyly atmosferanyń joǵarǵy qabatyna, sensorlarmen jáne kameralarmen jabdyqtalǵan salmaǵy 1-den 10 kelige deıin ǵana bolatyn shaǵyn ǵarysh apparattaryn, ıaǵnı, 2 zamanaýı nanospýtnık ushyrylyp, atmosferaǵa qatysty birshama aqparat alynypty.

Bolashaq ǵalymdar endi qazan aıynda juldyzdy aspandy zertteýge kómektesetin taǵy bir nanospýtnık qurastyrýdy josparlap otyr.

Atalǵan úıirmege 12 jastan asqan ǵylymǵa, tehnologııaǵa, tehnıka men matematıkaǵa qyzyǵatyn kez kelgen oqýshynyń qatysý múmkindigi bar.