Qaraǵandy oblysynyń ákimi Ermaǵanbet Bólekpaev qaıtys bolǵan balanyń ata-anasyna kóńil aıtty.
«Qaraǵandy qalasynda qaıǵyly jaǵdaı boldy. Saldarynan bir bala qaıtys boldy. Qaıtys bolǵan balanyń ata-anasyna qaıǵyra kóńil aıtamyn. Qazir birneshe balaǵa dárigerler tarapynan kómek kórsetilip jatyr. Qylmystyq is qozǵaldy. Jaǵdaı tergep-tekserilýde. Osyndaı jaǵdaıǵa jol bergenderdiń barlyǵy qatań jazalanatyn bolady. Aýrýhanada jatqan balalardyń densaýlyǵyn nyǵaıtý úshin barlyq kúsh-jigerdi salyp jatyrmyz. Suraqtar kóp. Ortalyqtaǵy 147 bala erekshe baqylaýǵa alyndy», dedi Ermaǵanbet Qabdýlauly.
Aıta ketsek, jaǵdaıdy anyqtaý úshin arnaıy komıssııa quryldy. 12 qyzmetker jumystan shettetildi. Balalardyń jaǵdaıyn basqa mekemeden kelgen mamandar qadaǵalap jatyr.
«Bul jaǵdaı jaı qalmaıdy. Kináliler qatań jazalanady. Tergeý amaldary oryndalýda. Qazirgi mindetimiz – qalǵan balalardyń ómirin saqtap qalý», dedi óńir basshysy.
Qasymhan ǴALYM,
Qaraǵandy oblysy
