Olardyń qatarynda elimizdiń de sportshylary bar. Atap aıtar bolsaq, Tumandy Albıondaǵy saıysta el namysyn 2020 jylǵy Tokıo Paralımpıadasynyń jeńimpazy, byltyrǵy álem chempıonatynyń qola júldegeri, Azııa jáne Eýropa chempıony, Álem kýbogi jarystarynyń jeńimpazy Sııazbek Dálıev, Tokıo Paralımpıadasynyń qola júldegeri Nurdáýlet Jumaǵalı, Qazaqstan quramasy sapynda alǵash ret parajúzýden álem chempıony atanǵan Natalıa Zvıagınseva jáne birneshe halyqaralyq jarystyń júldegerleri Andreı Afanasev pen Roman Potapov qorǵap jatyr.
Manchesterdegi álem chempıonaty «á» degennen jerlesterimiz úshin sátti bastaldy. 100 metrge brass ádisimen júzýde jarys jolyna shyqqan Nurdáýlet Jumaǵalı atalǵan qashyqtyqty 1:05.16 ýaqytta júzip ótip, álem chempıonatynyń kúmis júldegeri atandy. Bul synda bas júldeni germanııalyq Engel Talıso 1:03.26 ýaqyt kórsetkishimen jeńip alsa, úzdik úshtikti AQSh ókili Davıd Abrahams (1:05.55) túıindedi.
Parajúzýden álem chempıonaty 6 tamyzda óz máresine jetedi.
