Ońtústikte – jaýyn-shashynsyz, soltústikte túnde jáne tańerteń tuman kútiledi, shyǵysta kúndiz burshaq jaýýy yqtımal. Respýblıka boıynsha ekpindi jel turady.
«Kúndiz Almaty, Jambyl, Túrkistan, Atyraý, Mańǵystaý, Batys Qazaqstan, Jetisý, Ulytaý oblystarynda, Abaı, Aqtóbe, Qaraǵandy oblystarynyń ońtústiginde 35-40°S qatty ystyq kútiledi. Tipti Almaty oblysynda 40-42°S aptap ystyq bolady», dep jazdy «Qazgıdromet» RMK.
Sonymen qatar Aqmola, Soltústik Qazaqstan oblystarynda, Batys Qazaqstan oblysynyń ońtústigi men ortalyǵynda, Atyraý oblysynyń soltústiginde órt tutanýdyń joǵary qaýpi saqtalady.
«Mańǵystaý, Túrkistan, Almaty, Jambyl, Shyǵys Qazaqstan, Qaraǵandy, Qyzylorda, Ulytaý, Jetisý, Abaı oblystarynda, Qostanaı, Aqtobe oblystarynyń ońtústiginde, Atyraý oblysynyń batysy men shyǵysynda, Pavlodar oblysynyń ontústigi men shyǵysynda, Aqmola oblysynyń ońtústigi men batysynda, Batys Qazaqstan oblysynyń batysynda, soltústik-batysy men soltústik-shyǵysynda órt tutanýdyń asa joǵary qaýpi kútiledi», delingen «Kazgıdromet» taratqan málimette.
