Sınoptıkter taratqan derekterge qaraǵanda, áli de atmosferalyq frontaldy bólikterdiń ótýine baılanysty Qazaqstannyń basym bóliginde kún qubylyp turady. Eldiń basym bóliginde jańbyr jaýyp, naızaǵaı oınaıdy. Tek Qazaqstannyń batysynda ǵana kún jaýyn-shashynsyz bolady.
Respýblıka boıynsha jel kúsheıedi, ońtústikte jeldiń sońy shańdy daýylǵa ulasady. Qazaqstannyń soltústiginde túnde jáne tańerteń tuman túsedi, kúndiz elimizdiń soltústiginde, ortalyǵynda burshaq jaýýy múmkin.
Kúndiz Almaty, Atyraý, Batys Qazaqstan, Jetisý oblystarynda, Aqtóbe oblysynyń ońtústiginde, batysynda 35-39°S aptap ystyq, Mańǵystaý oblysynyń ońtústiginde, soltústik-batysynda 38-41°S qatty ystyq saqtalady.
Kúndiz Jetisý oblysynyń ońtústiginde, Almaty oblysynyń shyǵysynda, ortalyǵynda 40-42°S óte qatty ystyq bolýy yqtımal.
Aqmola, Atyraý oblystarynda, Batys Qazaqstan oblystarynda, Soltústik Qazaqstan oblysynyń batysynda, shyǵysynda joǵary órt qaýipi saqatalady, Pavlodar oblysynyń ońtústiginde, shyǵysynda joǵary órt qaýipi kútiledi.
Mańǵystaý, Túrkistan, Almaty, Jambyl, Qyzylorda, Shyǵys Qazaqstan, Qaraǵandy, Ulytaý, Jetisý, Abaı oblystarynda, Qostanaı oblysynyń ońtústiginde, Aqtóbe oblysynyń ortalyǵynda jáne ońtústiginde, Atyraý oblysynyń batysynda, shyǵysynda, Aqmola oblysynyń ońtústiginde, batysynda tótenshe órt qaýipi saqtalady.
