Joba aıasynda quramynda altyny bar 300 myń tonna konsentratty qaıta óńdep, odan 15 tonna altyn alý josparlanǵan. О́ndiriske quıylatyn ınvestısııa kólemi – 347 mıllıard teńge.
Budan bólek, Prezıdentke óńirdegi elektroenergetıkalyq kásiporyndardyń tehnıkalyq jaǵdaıy týraly baıandaldy. Pavlodar oblysynyń ákimi GRES-1 jáne GRES-2 energobloktaryn, sondaı-aq Aqsý qalasyndaǵy №7 elektrostansııany jańǵyrtý jumystary 2024 jyly aıaqtalatynyn aıtty.
Sonymen qatar Asaıyn Baıhanov azyq-túlik óndirisin ulǵaıtý perspektıvasy jóninde málimet berdi. Onyń aıtýynsha, oblysta sút óndirisi jáne ony qaıta óńdeý kólemi artyp keledi. Bıyl qosymsha 10 jańa zamanaýı ferma salynady. Oǵan 30 mıllıard teńgeden astam ınvestısııa tartylǵan.
Kezdesý sońynda Qasym-Jomart Toqaev áleýmettik-ekonomıkalyq damý josparynyń oryndalýyn qamtamasyz etýdi jáne áleýetti ınvestorlar tartý boıynsha jumystardy jalǵastyrýdy tapsyrdy.
