El ekonomıkasynyń damýynda qurylys sektory mańyzdy ról atqarady. Bul sala búginde 700 myńǵa jýyq qazaqstandyqty jumyspen qamtamasyz etip otyr. Qurylysshylardyń jumysy qıyn, biraq asa mańyzdy. Turǵyn úıler men áleýmettik nysandardyń sapaly qurylysy, saıyp kelgende, otandastarymyzdyń turmys jaǵdaıynyń jaqsarýyna múmkindik beredi.
Árıne, jumysymyz oryndy synǵa ushyrap ta jatady, ásirese sapaǵa qatysty turǵyndar narazylyq bildiretin jaǵdaılar barshylyq. Biz bolashaqta buǵan jol bermeýimiz kerek. Ol úshin salany damytyp, ashyqtyq pen ádildikti, belsendilik pen qurylysshylardyń biliktiligin arttyrýdy qamtamasyz etý mańyzdy.
О́tken jyl álemdik ekonomıka men qarjy naryǵy úshin ońaıǵa soqpady. Qurylys materıaldary men jabdyqtar birshama qymbattap, tutynýshylardyń tólem qabileti tómendedi. Degenmen, bizdiń mamandardyń tabandylyǵy men kásibıliginiń arqasynda Samruk-Kazyna Construction qarjylyq turaqtylyqty saqtap, alǵa qoıylǵan maqsattarǵa qol jetkizdi: ótken jyly biz 150 myń m2 astam turǵyn úıdi paıdalanýǵa berip, jyldyq jospardy 3% - ǵa asyra oryndadyq.
Sondaı-aq, ótken jyly Astana qalasynda shatyr jabyndysy jáne qasbetti qaptaý materıaldaryn shyǵaratyn zaýyttyń qurylysyna ınvestısııa saldyq. Kásiporyn qyrkúıek aıynda iske qosylady. Atalǵan óndiris oshaǵy otandyq ónim esebinen shetelden ımporttalatyn qurylys materıaldarynyń úlesin edáýir qysqartýǵa jáne baspananyń sharshy metriniń qunyn arzandatýǵa sep bolmaq.
Bıyl otandyq qurylys sektorynda quldyraý baıqalady. Materıaldardyń qymbattaýy, jetkizilim tizbekteriniń buzylyp, keshigýi jáne basqa da problemalar barshylyq. Osyǵan qaramastan «Samruk-Kazyna Construction» AQ álemde balamasy joq «Jaıly mektep» pılottyq ulttyq jobasyn iske asyra bastady. Respýblıkalyq bıýdjet pen Ulttyq qor esebinen qarjylandyrylatyn tyń jobanyń aıasynda 3 jylda Qazaqstannyń barlyq óńirlerinde 369 mektep salynady. Bul 740 myńnan astam jańa oqýshy ornyn ashyp, apatty mektepter jáne úsh aýysymdy oqytý máselelerin sheshýge múmkindik beredi. Memleket basshysynyń tikeleı tapsyrmasy boıynsha «Samruk-Kazyna Construction» AQ joba aıasynda bilim berý nysandaryn salý jónindegi biryńǵaı dıreksııa bolyp bekitildi. Meniń oıymsha, bul bizdiń kompanııamyzǵa artylǵan úlken senim. Kompanııamyzda tájirıbeli jáne bilikti kadrlar jumys isteıdi, sondyqtan biz bılik pen halyqtyń senimin aqtaý úshin barlyq kúsh-jigerimizdi salamyz. Sondaı-aq, «Jaıly mektep» ulttyq jobasy qurylys kompanııalary men otandyq taýar óndirýshilerdi tapsyrystarmen, al qatardaǵy qurylysshylardy jumyspen jáne turaqty tabyspen qamtamasyz etedi.
Ulttyq jobanyń áleýmettik mańyzy zor. Bolashaqta biz bul mektepter úshin balalarymyz ben nemerelerimizdiń aldynda uıalmaıtyndaı etip sapaly salýymyz kerek. Sondyqtan, jobalaý men qurylystyń sapasy qatań baqylaýda. Biz «bir kúndik» jalǵan fırmalar men josyqsyz merdigerlerdi irikteýden ótkizbes úshin qurylys kompanııalaryna joǵary talaptar qoıdyq. Sondaı-aq, bekitilgen shekteýge sáıkes, bir qurylys kompanııasy ulttyq joba aıasynda 20-dan astam mektep sala almaıdy. Konkýrstyq rásimder kezinde jergilikti kompanııalarǵa basymdyq berip, olarǵa 5 paıyzdyq jeńildik qarastyrdyq. Iаǵnı, basqa aımaqtardaǵy qurylys kompanııalaryna jergilikti kompanııalarǵa qaraǵanda baıqaýda jeńiske jetý kúrdelirek bolady. Sonymen qatar, ár aımaqta mektep jıhazy jáne ony óndiretin kásiporyndardy tańdaý boıynsha arnaıy komıssııalar quryldy. Biz otandyq óndirýshilerdi qoldaýǵa daıynbyz, al jıhazdy tańdaý quqyǵyn pedagogterge berý kerek dep esepteımiz. Olar mektep oqýshylarynyń ne qalaıtynyn jaqsy biledi. Bizdiń mamandar, sarapshylar jáne qarapaıym qurylysshylar elimizdiń bolashaǵy balalar úshin jańa formattaǵy zamanaýı, jaıly oqý oryndaryn sapaly jobalaý jáne salý úshin bar kúsh-jigerin salady.
Jaıly mektepter sońǵy úlgidegi zamanaýı tehnologııalyq ıgiliktermen jabdyqtalady, oqýshylar men ustazdar úshin barynsha yńǵaıly bolady. Aýyldar men qalalardaǵy mektepterdiń bárin birkelki etip salamyz, osylaısha balalardyń bárine teń jaǵdaı jasaımyz. Bizdiń maqsatymyz – jetkinshekter mektepke yntamen, qýana jáne asyǵa baratyndaı jaǵdaı jasaý. Ár oqýshy bilim oshaǵynda ótkizetin ýaqytyn tıimdi paıdalanýy kerek. Jaıly mektepterde bul úshin qajettiniń bári qarastyrylady: kovorkıng ortalyqtary, zerthanalar, sheberhanalar men alyp sport alańy. Onda stadıon, hokkeı korty men júgirý jolaǵy jasalady. Qysta oqýshylar hokkeı oınap, shańǵy tepse, jazda mektep aýmaǵyn aınalyp, kross júgiredi. Osynyń arqasynda salaýatty urpaq qalyptastyrýǵa bir taban jaqyndaı túsip, bolashaq chempıondardy mektep qabyrǵasynan tárbıeleımiz.
Jaıly mektepterdiń jobalyq-smetalyq qujattamasy memlekettik saraptamadan ótkennen keıin Qurylys komıtetiniń bankine kiredi. Osylaısha, bolashaqta osy mektepterdiń daıyn jobalaý-smetalyq qujattamasyn jańa bilim berý obektilerin salý kezinde paıdalanýǵa bolady. Bul, óz kezeginde, mıllıardtaǵan bıýdjet qarjysyn únemdeýge múmkindik bermek.
Pılottyq ulttyq jobany júzege asyrý barysynda otandyq qurylys salasyn reformalaý qajettigine kóz jetkizdik. Normatıvtik quqyqtyq aktiler jańartýdy talap etedi, al qurylys normalarynyń kópshiligi eskirgen, óıtkeni ındýstrııa bir orynda turmaı, alǵa jyljyp keledi. Biz mektep salýdyń, jobany basqarýdyń jáne sapany baqylaýdyń jańa tásilderin engizýge tyrysyp jatyrmyz. Joba sheńberinde alǵash ret ERS-kelisimshartar tájirıbesin qoldandyq. Oǵan sáıkes ár merdiger kompanııa nemese konsorsıým mektepterdi salyp qana qoımaı, jobalap, tolyqtaı jabdyqtaýy tıis, ıaǵnı nysandy daıyn kúıde tapsyrýǵa mindetti. Ulttyq jobanyń nátıjesine sáıkes biz el Úkimetine otandyq qurylys sektoryn jańǵyrtý boıynsha naqty usynystardy joldaımyz.
Sondyqtan «Jaıly mektep» jobasynyń tájirıbesi salany, onyń ishinde otandyq materıaldar men taýarlar óndirisin damytýǵa múmkindik beredi. Biz otandyq kásiporyndardy qoldap, olarǵa óndiristik áleýetti kúsheıtýge jáne keńeıtýge múmkindik berýge daıynbyz.
Ulttyq jobany sátti júzege asyrý úshin jergilikti atqarýshy organdarmen, salalyq qaýymdastyqtarmen jáne sarapshylarmen de etene jumys istep jatyrmyz. Bárimiz bir jaǵadan bas, bir jeńnen qol shyǵaryp, aýyzbirshilik tanytsaq qana, ortaq maqsatqa qol jetkize alamyz. О́z basym halyq pen bılik, qoǵam belsendileri tarapynan oryndy usynystarǵa ashyqpyn jáne olardy muqııat tyńdap, saralap, qarastyrýǵa daıynmyn.
Zamanaýı, jaıly mektepterdiń qurylysynan bólek «Samruk-Kazyna Construction» taǵy birqatar bastamalardy qolǵa almaq. Birinshiden, eski úılerdi renovasııalaý baǵdarlamasy arqyly apatty jáne qaýipti baspanalardy qaıta jańǵyrtý; ekinshiden, jetim balalar men bıýdjettik sala qyzmetkerleri úshin satyp alý quqyǵymen beriletin jaldamaly baspana salý baǵdarlamasyn iske qosý. Budan bólek, taǵy eki joba ázirlený ústinde. Eldi damytý men halyqtyń áleýmettik jaǵdaıyn jaqsartýǵa baǵyttalǵan osy tórt bastamamyz Úkimet pen Memleket Basshysynyń oń qoldaýyn tapqan jaǵdaıda, sala jańa serpilis alady, qurylys kompanııalary tapsyrystarmen, al mamandar turaqty jumyspen qamtamasyz etiledi.
Qurylys salasynyń mamandaryn, áriptesterimdi «Samruk-Kazyna Construction» AQ atynan jáne jeke óz atymnan kásibı mereke – Qurylysshylar kúnimen quttyqtaımyn! Shyny kerek, kózge kórinbeıtin qyrýar jumys jasalyp jatyr. Aıtarym, bizdiń kúshimiz – birlikte! Ár qyzmetkerdiń boıyndaǵy kúsh-jiger men joǵary kásibıligi halyqtyń ómir súrý sapasyn arttyra otyryp, qalalarymyz ben aýyldarymyzdyń kelbetin kórkeıtip, qarqyndy damýyna jol ashady. Bizdiń ortaq jetistikterimizdiń artynda sizderdiń qajyrly eńbekterińiz jatyr. Eń bastysy – qazaqstandyqtarǵa qolaıly jaǵdaı jasap, kópten beri tolǵandyryp kele jatqan muń-muqtajyn sheshý. Tutas eldiń jáne bizdiń kompanııanyń damýy men órkendeýi jolyndaǵy baǵa jetpes eńbekteri úshin barlyq qurylys salasynyń qyzmetkerlerine úlken alǵysymdy bildiremin! Sizderge kásibı tabys, densaýlyq jáne otbasylaryńyzǵa amandyq tileımin!
Máýlen AIMANBETOV,
«Samruk-Kazyna Construction» AQ Basqarma Tóraǵasy
