Sınoptıkterdiń málimetine súıensek, elimizdiń basym bóliginde aýa raıy negizinen jaýyn-shashynsyz bolady, tek respýblıkanyń soltústik-shyǵysynda, shyǵysynda jáne ońtústik-shyǵysynda atmosferalyq frontaldy bólikterdiń ótýine baılanysty naızaǵaı oınap, jańbyr jaýady.
Almaty oblysy men Jetisý oblysynyń taýly aımaqtarynda jańbyr men burqasyn túrindegi qatty jaýyn-shashyn jáne burshaq jaýýy múmkin. Ekpindi jel soǵýy yqtımal. Elimizdiń soltústik-batysynda, ortalyǵynda túnde jáne tańerteń tuman túsedi.
Kúndiz Atyraý, Mańǵystaýdyń basym bóliginde, Batys Qazaqstan oblysynyń ońtústik-batysynda 38°S-qa deıin qatty ystyq saqtalady.
Atyraý, Mańǵystaý, Jambyl, Qyzylorda oblystarynda, ońtústiginde, Aqtóbeniń ortalyǵynda, Qostanaıdyń ońtústiginde, Qaraǵandynyń ortalyǵynda, soltústikte, Almaty qalasynyń ortalyǵynda, soltústikte, batysta, ońtústikte, Túrkistannyń shóleıtti aımaqtarynda, batysynda, ońtústik-shyǵysynda, Batys Qazaqstan oblystarynyń ortalyǵynda tótenshe órt qaýpi saqtalady.
Batys Qazaqstannyń basym bóliginde, Soltústik Qazaqstan, Aqmola oblystarynyń batysynda, ońtústiginde, Jetisý oblysynyń batysynda joǵary órt qaýpi bar.
