Investısııanyń 5 artyqshylyǵy

Jusan sarapshylarynyń aıtýynsha, ınvestısııanyń bes artyqshylyǵy bar. Ádepkisi – múmkindiktiń kóptigi. Baǵa­ly qaǵazdar naryǵynda aktıvter túri kóp. Olardyń qataryna aksııa, oblıgasııa, ETF, IPQ jáne taǵy basqalary kiredi. Bular ınvestorǵa ózine qolaıly ınvestısııalyq ónimdi tańdaýǵa múmkindik beredi. Baǵaly qaǵaz­dardy tańdaý múmkindigi kóp bol­ǵan saıyn kapıtaldy yqtımal shyǵyndardan qorǵaýǵa jáne qaýip-qater deńgeıin tómendetýge kómektesedi.

Ekinshiden, kapıtaldy tez kó­beıtý múmkindigi bar. Inves­tı­sııalaý kapıtaldy kóbeıtip, qo­symsha tabys alýǵa jol asha­dy. Eger siz durys qarjy qural­daryn tańdasańyz, ýaqyt óte kele ınvestısııalaryńyz ósip otyrady. Ádette, qysqamerzimdi ınvestısııaǵa qaraǵanda uzaqmer­zimdi ınvestısııa kóbirek tabys ákeledi.

Úshinshiden, ınvestısııalyq salymdar sizdi ınflıasııadan qorǵaıdy. Inflıasııa ýaqyt óte kele aqshany qunsyzdandy­rady. Investısııa kapıtalyńyz­dy ınflıasııadan qorǵap, bolashaq­ta onyń satyp alý qabiletin saqtaýǵa kómektesedi. Sandyq túbinde saqtalǵan aqsha men aksııalarǵa quıylǵan aqsha arasynda jer men kókteı aıyr­mashylyq bar.

Tórtinshiden, aqshadan taryq­paısyz. Iаǵnı durys ınvestısııa salsańyz, zeınet jasyna nemese daǵdarys kezinde qaýipsizdik jastyqshasyna ıe bola alasyz. Bir kúnde jumysyńyzdan aıyrylyp qalsańyz, ınvestısııadan túsken tabys sizge asyqpaı jumys izdep, qaı jerde bos ju­mys orny bar dep emes, ja­nyńyzǵa jaıly jumys tabýǵa múm­kindik beredi. Portfelińiz plıýste bolsa, qaryz ben nesıege táýelsiz ómir súrýge bolady.

Besinshi artyqshylyq – bilim jııý. Baǵaly qaǵazdarǵa ınvestısııalaý arqyly adamnyń dúnıe­tanymy keńeıip, qarjy álemi men ekonomıka qalaı jumys isteıtinin túsine bastaıdy. Qazir­gi ýaqytta ınvestısııalaý ónerin tegin úırenýge bolatyn platformalar jetkilikti. Árıne, sonyń ishinde resmı resýrstar taratqan aqparattarmen tanysý sizge kóp artyqshylyq syılaıdy.