Osyǵan deıin murajaıdaǵylar Abaı kúnine bir kúndik sharalar uıymdastyryp kelgen. Bıyl jańa jáne tyń bastamany qolǵa aldy. «Túspen túrlengen sóz» atty art-zerthananyń uıymdastyrýshylary 22 tamyzǵa deıin óńirdegi talap bildirgen talanty bar sýretshilerdiń kartınalaryn qabyldaıdy. Qabyldaý ýaqyty aıaqtalǵannan keıin qorytyndy kórme ótedi.
– Kásibı sýretshi bolýdyń qajeti joq. Áýesqoı sýretshiler de qatysa alady. Bul baıqaý emes. Bizdiń mundaǵy maqsatymyz – Abaı murasyn nasıhattaý. Biz ózimizdiń áleýmettik jelidegi paraqshalarymyzǵa nátıjesin jarııalaımyz, – deıdi murajaı basshysynyń orynbasary Meıramgúl Elýbaeva.
Abaı kúninde bastaý alǵan jobanyń alǵashqy kórmesine temirtaýlyq sýretshi Andreı Osıpenkonyń «Abaı – aqyn», «Abaı – Danyshpan» jáne «Abaı – tulǵa» trıptıhteri qoıyldy. Kartınalar Abaı Qunanbaıulynyń ómiri, shyǵarmashylyǵy, fılosofııasy týraly baıandaı-
dy.
Sondaı-aq qaraǵandylyq qylqalam sheberleri Tóleýǵalı Keńesbaev pen Isataı Isabaevtyń grafıkalyq jumystary, Ábdimálik Buharbaevtyń «Abaı» reprodýksııasy kórermen nazaryna usynyldy.
Qasymhan ǴALYM,
«Egemen Qazaqstan»
Qaraǵandy oblysy
