«Mundaı obektilerdiń basym bóligi Túrkistan oblysy men Astana qalasynda ornalasqan. Osy baǵyttaǵy jumystardy kúsheıtip, jańa mektepterdiń iske qosylýyn qamtamasyz etý qajet», dedi Álıhan Smaıylov jıyn barysynda.
Úkimet basshysynyń aıtýynsha, 180 mektepte kúrdeli jóndeý jumystary aıaqtalýǵa jaqyn, biraq munda da jumystar aıaqtalmaı qalý qaýpi bar. Aqmola oblysynyń ózinde ǵana shamamen 7 mektep jańa oqý jylyna deıin jóndeý jumystaryn sońyna deıin jetkizýge úlgermeı qalýy múmkin, Pavlodar jáne Soltústik Qazaqstan oblystarynda osyndaı 2 mektep bar.
«Atalǵan óńirler shuǵyl sharalar qabyldaýy qajet. Normaǵa sáıkes, barlyq qurylys jumysy jańa oqý jylynyń bastalýynan 2 apta buryn aıaqtalýy kerek. Oqýshylar taza ári boıaý ıisi joq synyptarǵa kelýi tıis», dedi Premer-mınıstr.
Sonymen qatar Úkimet basshysynyń aıtýynsha, 54 mektep ǵımaratynyń jylytý qazandyqtary áli kúnge deıin shyǵarylmaǵan.
«948 mektepte jańǵyrtý jumystary júrgizildi dep sanalady, alaıda tek 290 mektep zamanaýı robototehnıka, hımııa, bıologııa jáne fızıka kabınetterimen jabdyqtalǵan. Biraq bul jetkiliksiz. О́ńirler ákimdikteri Oqý-aǵartý mınıstrligimen birlesip, barlyq mektepte zamanaýı pán kabınetterin ashý úshin keshendi jańǵyrtý jumystaryn júrgizýi kerek. Jumysty esep berý úshin ǵana júrgizýge bolmaıdy», dedi Álıhan Smaıylov.
Sondaı-aq Premer-mınıstrdiń aıtýynsha, bilim berý obektileriniń qaýipsizdigine de nemquraıdy qaraýǵa jol bermeý kerek.
«Bilim berý obektileriniń barlyǵy birdeı qaýipsizdik talaptaryna saı kelmeıdi. Mektepterdiń 30%-dan astamy áli kúnge deıin polısııanyń jedel basqarý ortalyqtaryna qosylmaǵan. Osy rette jumysty belsendi júrgizý qajet», dedi Úkimet basshysy.
Aıta ketsek, 1 qyrkúıekten bastap barlyq bastaýysh synyp oqýshysy, ıaǵnı shamamen 1,5 mln bala tegin tamaqpen qamtylady.
«Bıyl az qamtylǵan otbasylar mektep kıimi men keńse taýarlaryn satyp alý úshin bir balaǵa keminde 40 myń teńgeden alady. Barlyǵy 500 myńǵa jýyq balaǵa osyndaı kómek kórsetiledi. Balalardy mektepke tasý úshin bıyl 500-den asa jańa avtobýs satyp alyndy», dedi Álıhan Smaıylov.
Oǵan qosa Úkimet basshysy kómekke muqtaj balalardy 100% memlekettik qoldaý sharalarymen qamtamasyz etýdi tapsyrdy.
«Shalǵaı aýyldarda mektep jármeńkeleri men kóshpeli avtodúkenderdi uıymdastyrý qajet. Ákimdikter, Oqý-aǵartý, Saýda jáne ıntegrasııa, Indýstrııa jáne ınfraqurylymdyq damý mınıstrlikteri men «Atameken» palatasy oqý quraldary men mektep formasynyń qoljetimdi baǵasyn qamtamasyz etý máselelerin pysyqtaýy tıis», dedi Premer-mınıstr.
Sóz sońynda Álıhan Smaıylov beınekameralardy jańartý, beınebaqylaý júıelerin jedel basqarý ortalyqtaryna qosý, bilim berý uıymdaryn lısenzııalanǵan kúzetpen qamtamasyz etý boıynsha jumystardy aıaqtaý qajettigin aıtty.
