Eńbek jáne halyqty áleýmettik qorǵaý mınıstrligi usynǵan derekterge sáıkes, jyl basynan Qazaqstanǵa kelgen qandastardyń jartysy (55,2%) О́zbekstannan, 19,2% – Qytaıdan, 9,8% – Mońǵolııadan , 8,6% – Reseıden, 5% – Túrikmenstannan jáne 2,3% basqa elderden oralǵan.
Bıyl eńbekke qabiletti jastaǵy etnıkalyq qonys aýdarýshylar sany 63%-dy, eńbekke qabiletti jastan kishi 28,4%-dy jáne zeınetkerler 8,6%-dy quraıdy.
Eńbekke qabiletti jastaǵy qandastardyń ishinen bilim deńgeıi boıynsha 16%-y - joǵary bilimdi, 36%-y - orta kásibı bilimdi, 39,9%-y - jalpy orta bilimdi.
Qonys aýdarǵan etnıkalyq qazaqtar respýblıkanyń túrli óńirlerine qonystandy.
Qandastardy qonystandyrý úshin eńbek kúshi tapshy óńirler anyqtaldy. Olar: Aqmola, Abaı, Qostanaı, Pavlodar, Shyǵys jáne Soltústik Qazaqstan oblystary.
«Qonystandyrý óńirlerinde 2023 jylǵa arnalǵan qandastardy qabyldaý kvotasy 1 925 adamdy quraıdy. 2023 jylǵy 1 tamyzdaǵy jaǵdaı boıynsha qonystandyrý óńirlerine 1 491 qandas qonys aýdardy. Joǵaryda atalǵan óńirlerde qonystanǵan qandastarǵa kóshýge sýbsıdııa túrinde memlekettik qoldaý sharalary usynylady – bir mezgilde otaǵasyna jáne otbasynyń árbir múshesine 70 AEK (241,5 myń teńge) mólsherinde; turǵyn úı jaldaýǵa jáne kommýnaldyq qyzmetterge aqy tóleýge – bir jyl ishinde 15-ten 30 AEK (51,7-den 103,5 myń teńgege deıin) mólsherinde», delingen mınıstrlik habarlamasynda.
Jyl basynan beri 653 qandasqa túrli qoldaý sharalary kórsetilgenin de aıta ketý kerek. Máselen, 431 adam turaqty jumysqa ornalastyryldy, 653 adam birjolǵy sýbsıdııa aldy, al 334 qandasqa turǵyn úı shyǵyndary sýbsıdııalandy.
