FOTO: vesti.kz
Júlde qory 2 788 468 AQSh dollaryn quraıtyn jarystyń alǵashqy aınalymynda Elena bos boldy. Ekinshi kezeńde onyń joly Elena Ostapenkomen qıysty. 26 jastaǵy latvııalyq tennısshi 2017 jyly Rolan Garrostyń bas júldesin oljalap, 2018 jyly Ýımbldonnyń jartylaı fınalyna deıin jetken. WTA týrnırlerin bes ret utty. Qazirgi kezde ol álemdik reıtıngte 20 oryndy ıelenip otyr. Buǵan deıin ekeýi tórt ret kezdesken. Alǵashqy eki kezdesýde Ostapenko jeńiske jetse, sońǵy ekeýinde Rybakınanyń mereıi ústem boldy. 2 saǵat 19 mınýtqa sozylǵan qos Elenanyń osy jolǵy kezdesýi 6:7 (6:8), 6:2, 6:4 esebimen bizdiń tennısshiniń paıdasyna sheshildi.
Úshinshi kezeńde Rybakına WTA reıtınginde 43 orynda turǵan ıtalııalyq Iаsmın Paolınımen sheberlik baıqasady.
