Foto: youthrussia.ru
- «Qazaqstan»shahtasyndaǵy órt saldarynan kompanııa qyzmetkeri, 1965 jyly týǵan Vıtalıı Vladımırovıch Slıýnkov (jerasty elektrsheberi, 5-razrıad, eńbek ótili - 39 jyl) qaza tapty. Biz marqumnyń otbasyna qaıǵyryp, kóńil aıtamyz, - delingen «ArselorMıttal Temirtaý» AQ baspasóz qyzmeti taratqan habarlamada.
Apat kezinde jer astynda 227 qyzmetker bolǵan. 222 adam jer betine jedel shyǵaryldy.
«Qazirgi ýaqytta jeldetýdiń durys rejımin qalpyna keltirý jáne kenshilerimizdi izdeýdi jalǵastyrý úshin órtti oqshaýlaý jumystary júzege asyp jatyr. Biz marqumnyń otbasyna qaıǵyryp kóńil aıtamyz, olarǵa barynsha qoldaý kórsetemiz», dedi «ArselorMıttal Temirtaý» AQ atqarýshy dırektory Vıktor Gafıýlov.
