ortalyq.kz
Memleket basshysynyń pikirinshe, eń aldymen, NEET sanatyna jatatyn jastardyń arasyndaǵy jumyssyzdyq máselesine aıryqsha nazar aýdarý qajet.
Úkimetke jáne ákimdikke jastardy jumyspen qamtý úshin arnaıy baǵdarlama ázirleý jóninde tapsyrma berildi.
Keńes barysynda Almaty ekonomıkasyn ártaraptandyrý máseleleri talqylandy.
Qasym-Jomart Toqaev shaǵyn jáne orta kásipkerliktiń damý áleýetine oń baǵa berdi. Keltirilgen málimetterge sáıkes 2022 jyldyń ózinde Almaty memlekettik bıýdjetke tórt trıllıon teńgeden astam qarjy quıdy. Qaladaǵy salyq túsimderiniń basym bóligi shaǵyn jáne orta bıznestiń tólemderine tıesili.
Prezıdent megapolıstegi bıznes-ahýaldy jaqsartý úshin júıeli sharalar qabyldaý jóninde mindet júktedi.
Qasym-Jomart Toqaevtyń pikirinshe, jeke kapıtaldy tartý, kásipkerlikti damytý baǵdarlamasyn kúsheıtý, jańa kólik-logıstıkalyq ortalyqtaryna qoldaý kórsetýdiń tyń sharalaryn qarastyrý, kreatıvti ındýstrııa, týrızm salalaryn damytý Almaty ekonomıkasyna tyń serpin berýge tıis.
