Kezdesýde otandyq kınematografııany jáne jalpy mádenıet salasyn damytý máseleleri talqylandy.
Azamat Satybaldy Prezıdentke «Qazaqfılm» qyzmetindegi túıtkildi máseleler týraly baıandap, kınostýdııanyń statýsyn kóterýge qatysty usynystaryn jetkizdi.
Qasym-Jomart Toqaev:
«Qazaqfılmde» zamanynda otandyq kıno óneriniń bir shoǵyr kórnekti ókilderi eńbek etkenin atap ótti;
kásibı kınogerlermen qatar, ulttyq ıntellıgensııa, azamattyq qoǵam ókilderiniń, aǵa býyn men jastardyń shyǵarmashylyq áleýetin jumyldyra otyryp, atalǵan salanyń qordalanǵan problemalaryn keshendi ári dáıekti túrde sheshý mańyzdy ekenine nazar aýdardy;
kıno óndirisin kreatıvti ındýstrııanyń jeke sektory retinde qarastyrý kerek ekenin aıtty.
Memleket basshysy otandyq kınematografııany odan ári damytý máselesi aıryqsha baqylaýda bolatynyn sóz etti.
