300-den asa adam qatysqan velosherý

Sport salasy qyzmetkerleri tańǵy saǵat jetiden elorda ir­gesindegi Qosshy qalasynyń aı­nalma velojolyna jınaldy. Velosherýge 300-den asa adam qatysty. Eńserilýge tıis qashyqtyq – 25 km.

Olarmen birge Astana qala­lyq ákimdiginiń, Máde­nıet jáne sport mınıstrliginiń laýazymdy tulǵalary, elimizge tanymal sportshylar, qalalyq sport basqarmasyna qarasty mekeme basshylary, sport ardagerleri «Úrker» eldi mekeniniń «Jasyl beldeý» saıabaǵyna deıin jalǵas­qan qashyqtyqty júrip ótti.

Aıta keteıik, is-shara bary­synda sport salasynyń qyzmet­kerlerine Mádenıet jáne sport mınıstri Ashat Oralovtyń, qala ákiminiń orynbasary Eset Baıkenniń Alǵyshattary, «Úzdik sport qyzmetkeri», «Sportty damytýǵa qosqan úlesi úshin» tósbelgileri tabystaldy.

Sondaı-aq bıyl maýsym aıyn­da Grýzııanyń Batýmı qala­synda shahmattan ótken álem chem­pıona­tynda top jaryp, 12 jasqa deıingiler arasynda álem chempıony atanǵan Aıarý Altynbekke velosıped syıǵa tartyldy.