«Jetisý» kósh sońynda kele jatqan «Maqtaaraldan» 0:1 esebimen utyldy. Bul matchtyń taǵdyryn 79 mınýtta Ashat Baltabekov soqqan avtogol sheshti. «Astana» óz alańynda «Qaısardy» jeńe almady. 68 mınýtta Tımýr Dosmaǵambetov esep ashqanymen, arada týra 20 mınýt ótkende Dmıtrıı Borodın 11 metrlik núkteden nysanany dál kózdep, tarazy basyn teńestirdi – 1:1. «Aqtóbe» men «Tobyl» arasyndaǵy kezdesý de dál sondaı eseppen aıaqtaldy. 40 mınýtta Ramazan Orazov qostanaılyqtardy alǵa shyǵarsa, 66 mınýtta Andrııa Fılıpovıch mergendik tanytty. «Ordabasy» men «Qaırat» básekeniń basynan aıaǵyna deıin tiresti. Negizgi ýaqytqa tóreshi segiz mınýt qosty. Kezdesýdiń sońǵy sekýndtarynda Bernardo Matıch shymkenttikterge jeńis syılady – 1:0.
Jarys kestesinde «Ordabasy» kósh bastap keledi. Olar 19 kezdesýden keıin 48 upaı jıdy. 40 upaıdan enshilegen «Aqtóbe» men «Astana» ekinshi jáne úshinshi oryndardy ózara bólisýde. Kósh sońynda – «Kaspıı». Aqtaýlyqtar 14 upaıdy qanaǵat tutyp otyr.
