Top músheleriniń taý-ken óndirýshi kompanııalardyń biriniń taýarlyq-materıaldyq qundylyqtaryn urlaýǵa, esirtki men atys qarýyn saqtaýǵa, sondaı-aq 2022 jyly qylmystyq teketires kezinde Qaraǵandy turǵynyn óltirýge oqtalý faktisine qatysy bar ekeni anyqtaldy. Osy qastandyqty jasamaq bolǵan toptyń boljamdy «kılleri» kórshi memlekettiń aýmaǵynda ustaldy.
– 70 tintý is-sharasy ótkizildi, sonyń nátıjesinde toǵyz qarý, 400-ge jýyq oq-dári, pyshaqtar, radıostansııalar, úlken kólemde aqsha jáne basqa da zattaı dáleldemeler tabylyp, tárkilendi. Polısııaǵa 28 adam jetkizildi, onyń ishinde toptyń 12 belsendi múshesi ýaqytsha ustaý ızolıatoryna qamaldy.
Qylmystyq kodekstiń birneshe baptary boıynsha sotqa deıingi tergep-tekserý júrgizilýde, tıisti saraptamalar taǵaıyndaldy, – dedi IIM uıymdasqan qylmysqa qarsy kúres departamentiniń basqarma bastyǵy Qýandyq Alpys.
