Foto: parlam.kz
Aqmola, Qaraǵandy, Pavlodar jáne basqa da oblystardy, sondaı-aq Astana qalasyn sýmen qamtamasyz etetin atalǵan kásiporynnyń óndiristik qýaty jylyna 500 mln tekshe metrdi quraıdy.
Depýtattarmen kezdesý barysynda kásiporyn qyzmetkerleri birqatar ózekti máselelerdi, sonyń ishinde jalaqynyń tómendigin aıtyp, shaǵymdandy.
«Bizdiń kásiporyndaǵy jumysshylar sany onsyz da kóp emes. Salystyrmaly túrde qarasaq, kómir razrezinde ortasha jalaqy 300 myń teńge bolsa, bizdiń jalaqymyz 70 myń, qys mezgilinde 130 myń teńgeden aspaıdy. Kadr turaqtamaıdy. Qazirgi ýaqytta ár ýchaskede slesarlar, dánekerleýshiler men tokarlar jetispeıdi», dedi jylýmen jabdyqtaý ýchaskesiniń bastyǵy Rymbek Baımaǵambetov.
Depýtat Tilektes Adambekovtiń aıtýynsha, jergilikti medısına qyzmetkerleri de osyndaı suraqpen depýtattarǵa júgingen. Májilismen Osakarov aýdanyndaǵy jalaqy deńgeıiniń óte tómen ekenin aıtyp, ony arttyrý qajettigine toqtaldy.
«Jalaqy 50 paıyzǵa ósse de, sezilmeýi múmkin. Ol úshin jalaqy kestesin kóterý kerek. Alaıda bul kásiporynnyń áli de ótelmegen qaryzy bolǵandyqtan, eńbekaqyny ósirý de ońaı sheshile qoımaıtyny anyq. Degenmen, biz mekemeniń strategııalyq nysan ekenin túsinemiz, osy suraq boıynsha Ekologııa mınıstrligimen kezdesemiz. Bul kásiporyn birneshe oblystyń tynys-tirshiligin qamtamasyz etedi. Sondyqtan másele baqylaýda bolady», dedi depýtat.
Májilis depýtattary aıtylǵan barlyq usynysty qarastyratyndyqtaryn, quzyrly mınıstrlikpen de, kásiporyn qyzmetkerlerimen de syndarly jumysqa daıyn ekendikterin jetkizdi.
