Foto: Túrkistan oblysynyń ákimdigi
Astana qalasynyń qylmystyq ister jónindegi mamandandyrylǵan aýdanaralyq soty Rashıd Aıýpovty QR Qylmystyq kodeksiniń 1997 jylǵy ózgertýlerimen 177-bap (alaıaqtyq), 4-bólimi, b tarmaǵynda kózdelgen qylmysty jasaǵany úshin kináli dep taný týraly úkim shyǵardy. Qylmystyq jaýaptylyqqa tartýdyń eskirý merziminiń ótýine baılanysty osy bap boıynsha qylmystyq jaýaptylyqtan bosatylady.
«Rashıd Aıýpov QR Qylmystyq kodeksiniń 1997 jylǵy ózgertýlerimen 312 baby, 5-bóligi (para berý) jáne 28-baptyń 4-bóligi osy bap boıynsha 10 jylǵa bas bostandyǵynan aıyrý jazasyn qaýipsizdigi ortasha mekemede óteý taǵaıyndalsyn. QR Qylmystyq kodeksiniń 1997 jylǵy ózgertýlerimen 41-bap, 3-bóligi negizinde jeti jyl merzimge memlekettik qyzmette laýazymdardy atqarý quqyǵynan aıyrý túrindegi qosymsha jaza taǵaıyndalsyn», dedi sýdıa Qajymuhan Mekemtas.
Sondaı-aq Rashıd Aıýpovtan 1911 teńge somasynda is júrgizý shyǵyny, oǵan qosa sybaılas jemqorlyq qylmystar nátıjesinde alynǵan 422 mln 800 myń teńge memleket kirisine óndirildi.
