Sınoptıkterdiń boljaýynsha, elimizde aýa raıynyń turaqsyz sıpaty saqtalady.
«Qazaqstannyń basym bóliginde atmosferalyq frontaldy bólikterdiń ótýine baılanysty aýa raıynyń turaqsyz sıpaty saqtalady, naızaǵaı oınap, nóser jańbyr jaýady, qatty jel soǵady, burshaq túsedi dep boljanady. Elimizdiń soltústiginde, ortalyǵynda, ońtústiginde, ońtústik-shyǵysynda qatty jańbyr jaýýy múmkin. QR soltústiginde, soltústik-batysynda tuman tússe, ońtústik-batysynda shańdy daýyl turady dep kútiledi», delingen «Qazgıdromet» RMK habarlamasynda.
Túrkistan, Jambyl, Qyzylorda oblystary, Aqtóbe óńiriniń ortalyǵynda, batysynda, ońtústiginde, Atyraý oblysynyń batysynda, shyǵysynda, Qostanaı oblysynyń ońtústiginde, Mańǵystaýdyń soltústiginde, shyǵysynda, ońtústik-shyǵysynda tótenshe órt qaýpi kútiledi.
Batys Qazaqstan oblysynyń soltústiginde, ortalyǵynda órt qaýpi joǵary bolady, oblystyń ońtústik-batysynda, soltústik-batysynda, shyǵysynda tótenshe órt qaýpi kútiledi.
Almaty oblysynyń soltústik jartysynda tótenshe órt qaýpi, oblystyń ońtústik jartysynda joǵary órt qaýpi saqtalady.
Jetisý oblysynda órt qaýpi joǵary bolady, oblystyń batysynda tótenshe órt qaýpi saqtalady.
