«Qurmetti elorda turǵyndary men qonaqtary!
О́zderińizge belgili, ótken demalysta EXPO alańynda Tájikstannyń mádenıet kúnderi aıasynda aýyl sharýashylyǵyna, ónerkásip ónimderine jáne ulttyq qolónerine arnalǵan kórme-jármeńke ótti.
Jármeńkede 1000 tonnadan astam ónim satyldy. Degenmen ókinishtisi, jármeńke múlkine zııan kelip, keıbir azamattar shatyrlardy, sórelerdi, dekorasııalardy syndyrdy. Qoǵamdyq tártip te buzyldy. Bul – mádenıettiń tómendiliginiń, adam eńbegin qurmettemeýdiń belgisi.
Keıbir adamdardyń orynsyz áreketine baılanysty Astana qalasynyń barlyq turǵynyna sóz tıdi. Kórme-jármeńkege 100 myńǵa jýyq adam qatysty, bul is-sharada qala turǵyndarynyń basym bóligi mádenıetti bolǵanyn erekshe atap ótkim keledi. Olarǵa alǵysymdy bildiremin!
Memleket basshysy elorda turǵyndarynyń qaýipsizdigin qamtamasyz etý jáne Astana kóshelerinde vandalızm men quqyq buzýshylyqtardyń jıilep ketken jaǵdaılaryn boldyrmaý jóninde tıimdi sharalar qabyldaý qajettigin atap ótken bolatyn.
Polısııaǵa vandalızm áreketterin jasaǵan jáne qoǵamdyq tártipti buzǵan adamdardy anyqtaý jumysy tapsyryldy. Quqyq buzýshylar jaýapqa tartylady», dedi qala ákimi.
