Tarıhtan syr shertken týyndy

Kórmeni uıymdastyrýdaǵy maqsat – grafıka, onyń ishinde lınogravıýra múmkindikterin kórsetý jáne ony kópshilikke nasıhattaý.

Kóshpeliler ómirinen syr sher­tetin grafıkalyq kór­­­mege kelgen sýret­shiler, óner­tanýshylar men qo­naqtar avtordyń eńbegine jyly lebizderin bildirip, shy­ǵar­ma­shylyq kózqarastaryn ta­nytty.

Jazýshy-pýblısıst Shar­han Qazyǵulov: «Úlken aýqym­da oı aıtatyn adam. Adam men álemniń baılanysy, qa­zirgi qoǵam men adam, bizdiń salt-dástúr men mádenıetimiz – Batýhan Baı­men­niń shyǵarma­shylyǵynyń eń ne­gizgi taqy­ryptary», dedi.

Sýretshi, professor, «Qu­lanshy» qa­zirgi zaman óner ortalyǵy ký­ratorlyq keńes­iniń tór­aǵa­sy, Eýrazııalyq О́ner akade­mııa­synyń prezıdenti Leıla Mahat: «Jalpy, gra­fıkanyń ishinde gravıýra – sý­retshiler sırek aınalysatyn sala. Avtor óz shyǵarmalary arqyly tutas qoǵam men ondaǵy áleýmettik máselelerdi kórsetip otyr. Bul týyn­dylardyń basty qun­dylyǵy – qol jumysy. Bir jumysty ázirleýge aptalap, keıde tipti aılap ýaqyt ketedi, al bul jerde 80-ge jýyq týyndy qoıylǵan».

О́nertanýshy, О́ner akade­mııa­synyń akademıgi Nel­lı Shıvrına: «Grafıkanyń lınogravıýra tásiline den qoıǵan sýretshi qaǵaz ornyna matany qoldana otyryp, úlken týyn­dylarmen jumys isteıdi. Al onyń kólemi turǵysynda aı­tar bolsaq, álemde dál osyndaı alyp lıno­gra­vıýraǵa qıyn­dyǵymen qatar tehnı­kalyq kúrdeliligi úshin ekiniń biri ońaıshylyqpen betteı almaıdy», dedi.

Batýhan Baımenniń máńgilik qundy­lyqtardy arqaý etken shyǵarmashylyǵy keń aýqymdy, epıkalyq taqyryptarǵa tereń boılaıdy. Sýretshi kúlli dú­nıeni dúr silkindirgen túrkiler tarıhy men Altyn ordanyń dáýirlegen shaqtaryn erekshe beınelegen.

Sýretshiniń jeke kórmeleri elimizdiń iri qalalarynda, son­daı-aq Germanııa, Túrkııa, Qyr­ǵyzstan, О́zbekstan, Kıpr el­derinde ótken.

Kórme Ulttyq mýzeıdiń 4 qabattaǵy №2 Beıneleý zalyna qoıylyp, 78 dana týyn­dy usynyldy. Kórme 2023 jyl­­dyń 30 qyr­kúıe­gine deıin jal­ǵasady.