Abaı oblysy ákimdiginiń málimetinshe, satyp alý quqyǵynsyz jalǵa berilgen baspana Semeı qalasynyń Komsomol kentinde ornalasqan. Eki páterli úılerdegi bir páterdiń aýdany 85 sharshy metrdi quraıdy.
Semeı qalasynyń ákimi Nurbol Nursaǵatov memlekettik turǵyn úı qorynda baspana alý kezeginde turǵan 10 otbasyǵa kiltti tabystap, qonys toıymen quttyqtady.
- Memlekettiń áleýmettik saıasattyń basty baǵyttarynyń biri - halyqty turǵyn úımen qamtamasyz etý. Bıyl Semeı qalasy boıynsha kezekte turǵan 122 otbasyǵa kiltter tabystalady. Búgin kópbalaly otbasylar jańa baspanaǵa ıe boldy. Sizderge amandyq, jaılylyq pen jaqsylyq tileımin. Qonys toıy qutty bolsyn! - dedi qala basshysy.
Aıta keteıik, osy jyldyń qyrkúıek aıynda taǵy 32 kópbalaly otbasy Komsomol kentindegi jańa úılerge kóshedi.
Jalpy 2023 jyly óńirde kópbalaly otbasylarǵa 43 turǵyn úı, al halyqtyń áleýmettik osal toptarynyń basqa sanattary úshin – 120 turǵyn úı berildi. Bıyl halyqtyń áleýmettik turǵydan álsiz top sanatyndaǵy 501 otbasy men 117 kópbalaly otbasyn turǵyn úımen qamtamasyz etý josparlanǵan.
