Foto: gov.kz
«Orta bilim berý júıesin qarjylandyrý sońǵy bes jylda eki ese ósip, 2 trıllıon teńgeden 4,5 trıllıon teńgege ulǵaıdy. «Jaıly mektep» ulttyq jobasy júzege asyrylyp, 369 bilim berý oshaǵy salynady. Oǵan qosa bilim berý ınfraqurylymyn qoldaý qory quryldy. Atalǵan qordyń esep-shotynda sybaılas jemqorlyqqa qarsy is-sharalar sheńberinde memleketke qaıtarylǵan qarajat jınaqtalady. Búgingi kúni qorǵa 120 mıllıard teńge tústi. Onyń 92 mıllıard teńgesi 62 mekteptiń qurylysyna jumsaldy. Joǵary bilim berýdiń qoljetimdiligin qamtamasyz etý maqsatynda jyl saıyn otandyq joǵary oqý oryndarynda bilim berý granttary artyp keledi. Osy jyly bólingen 88 myń bilim grantynyń 73 myńy mektep túlegine berildi», dedi Úkimet basshysy «AMANAT» partııasy fraksııasynyń keńeıtilgen otyrysynda.
