Foto: BQO ákimdiginiń baspasóz qyzmeti
Eske sala ketsek, Nurlan Isataev Horvatııanyń Zagreb qalasynda ótken kadetter arasynda dzıýdodan álem chempıonatynda altyn medal enshiledi. Oblys ákimi jas sportshynyń budan da bıik belesterdi baǵyndyratynyna senim bildirdi.
«О́zińdeı jastar - el maqtanyshy. Sen tek oblys atyn ǵana ulyqtamaı, qazaq elin álemge tanytasyń. Biz seni maqtan etemiz», dedi Narıman Tóreǵalıev.
Kezdesý barysynda oblys ákimi jas chempıonǵa páter kiltin tabys etti.
Álem chempıony atanǵan Nurlan Isataev Qazaqstan quramasynda 55 kelige deıingi salmaq dárejesinde óner kórsetti. 23-27 tamyz aralyǵynda ótken bul birinshilikke álemniń 64 elinen 570-ten astam sportshy qatysty. О́z tobynda birinshi oryn alǵan Nurlan jartylaı fınalda otandasy Oralbek Baızaqpen kezdesse, fınalda grýzııalyq Merabı Samadashvılımen beldesti.
Aıta ketsek, Nurlan Isataevtyń jattyqtyrýshysy Altynbek Supyǵalıevke bir mıllın teńge kóleminde qarjylaı syılyq berildi.
