Qýyrshaqqa jan bitirgen

Degenmen, teatrdyń bú­gingi kúrdeli problemasy – óner ujymyna berilgen ǵı­marattyń eskirip, tozýy bolyp otyr.

Jaqynda Shymkent qala­synyń ákimi atalǵan teatrǵa arnaıy baryp, jumysymen tanysyp qaıtqan. Qala basshysymen kezdesýde negizinen osy taqyryp jaıly áńgime qozǵaldy. О́z kezeginde ákim aldaǵy ýaqytta ǵımarat má­selesin sheshetinin jetkizdi. Ol úshin qalalyq mádenıet, tilderdi damytý jáne arhıvter basqarmasyna qajetti usynystar ázirleýdi tapsyrdy.

Aıta ketken jón, má­denıet, óner salasyndaǵy yn­tymaqtastyqty nyǵaıtý maq­satynda teatr 17 sheteldik, onyń ishinde Perý, Estonııa, Latvııa, Italııa, Fransııa, Túrkııa, Qytaı, Ońtústik Ko­reıa, Iran memleketterimen jáne Almaty, Aqtóbe, Qos­tanaı qalalary, sondaı-aq Mań­ǵystaý oblystyq qýyrshaq teatrymen ekijaqty memorandýmǵa qol qoıǵan. Aldaǵy ýaqytta megapolıste teatrdyń 40 jyldyq mereıtoıyna oraı halyqaralyq qýyrshaq teatrlary festıvali ótpek.

Buǵan qosa, óner ujymy Qaraǵandy qalasyndaǵy «Kýklııandııa» halyqaralyq qýyrshaq teatrlarynyń fes­tıvalinde úzdik balalar qo­ıylymy atalymyn jeńip alǵan. Osydan biraz kún buryn teatr jergilikti rejısser Q.Isaev­tyń «Saıahatshy tas­baqa» qoıylymymen bı­yl­ǵy maýsymdy aıaqtaǵan edi. Meıirimdilik, baýyrmal­dyq, janashyrlyq, qaısar­lyq pen tabandylyq qasıet­terdi dáripteıtin sahna­lyq shyǵarma Almaty qala­syndaǵy halyqaralyq «Or­teke» festıvalinde joǵary baǵalandy. Qýyrshaqtarǵa jan bitirgen óner orda­sy baldyrǵandarmen birge jas­óspirimder men eresekterdiń de súıikti teatry. Sonyń birden-bir dáleli bıyl ártister 18 myńǵa jýyq kórermenge 200-den asa qoıylym usy­­nypty. Solardyń ishin­degi altaýy jańa premera. «Bı­yl sahnalaǵan 6 qo­ıy­lym­nyń úsheýi kishkentaı baldyrǵandarǵa arnalsa, qal­­ǵan úsheýi jasóspirimder tanymyndaǵy shyǵarmalar boldy. 4 qoıylymǵa syrttan rejısser tarttyq. Qýyrshaq teatry ónerin kásibı turǵyda órletý, daryndy ártister men rejısserlerdi tań­daý, olardyń akterlik she­berlikterin arttyrý, son­daı-aq ónerimizdi shetelde ta­mashalatyp qaıtý negizgi mindet pen maqsatymyz sana­lady. Shyǵarmashylyq tabystarymyz halyqaralyq «Quralaı» qýyrshaq teatrlar festıvalindegi «Balalarǵa arnalǵan úzdik qoıylym» men «Úzdik dramatýrgııa» atalymdaryn ıemdenýimiz», dedi teatr basshysy Samat Altaı.

Teatr aldaǵy maý­symda klassıkalyq shyǵarma­lar­dan qoıylym qoımaqshy. Ár­tis­ter G.H.Andersenniń «Us­­qynsyz úırek» pen Gaý­f­­tyń «Ergejeıli mu­ryn» týyndysyn sah­­naǵa alyp shy­­ǵýǵa da­ıyndalyp ja­tyr.

ShYMKENT