«Memleket basshysy Qasym-Jomart Toqaevtyń búgingi Qazaqstan halqyna arnaǵan «Ádiletti Qazaqstannyń ekonomıkalyq baǵdary» atty Joldaýyn kórip, tyńdap shyqtym. Aqordanyń jan-jaqty taldaýymen jazylǵan qujat dep qabyldadym. Buǵan deıin el damýynyń 2050-ge deıingi baǵdarlamasy degendi uran etip jeldirme sózge kóp ergen edik. Bul jolǵy Joldaý jańa Qazaqstandy qalyptastyrýǵa baǵyttaıtyn baǵdar ekeni aıqyndala tústi», deıdi Hangeldi Ábjanov.
Tarıhshy Hangeldi Ábjanov eski Qazaqstanda maqtangershilikke salynsaq, jańa Qazaqstanda endi atqarylmaǵan jumystardy júzege asyrýǵa kúsh salý kerek deıdi.
«Bizge Prezıdent aıtqandaı sózden naqty iske kóshetin kez áldeqashan keldi. Aýyl sharýashylyǵy salasyndaǵy tehnıkanyń 80 paıyzy eskirgenin Prezıdent jaıdan-jaı aıtqan joq. Eskirgendikten jıi synatyn tehnıkamen sharýalar qalaı aýyl sharýashylyǵyn damytýǵa úles qosady? Prezıdent agrarlyq saladaǵy basqa da túıtkildi máselelerdi kóterip, olardy sheshý maqsatynda tıisti tapsyrma berdi.
Eldegi týrızmdi damytý isi de turalap tur. О́tken jyly jer kólemi bizdiń elimizden áldeqaıda az Túrkııaǵa 40 mıllıon týrıst barǵan. Al bizge keletin týrısterdiń sany 600 myńǵa ázer jetedi. Tumsa tabıǵatymyz, týrızmdi damytýǵa suranyp turǵan kórikti jerler qanshama. Tek soǵan kóńil bólip, nazar aýdaryp kúsh salǵanda ǵana eldegi týrızm damıdy», dep túıindedi Hangeldi Ábjanov.
