Foto: facebook.com/danaratanirbergen
Aty ańyzǵa aınalǵan Panfılov dıvızııasynyń sońǵy sarbazy Qaıyrly Jońqabaev týraly D.Táńirbergenqyzy facebook paraqshasynda jazba arnap, maıdangerdiń jaqyndaryna kóńil aıtqan.
Shyǵys Qazaqstan oblysynyń Samara aýdanynda dúnıege kelgen Qaıyrly Jońqabaev eńbek jolyn 1940 jyly sol oblystyń Qulyndy orta mektebinde muǵalim bolyp bastaǵan.
1941 jyly qazan aıynda Panfılov dıvızııasynyń 23 gvardııalyq polkiniń qatardaǵy jaýyngeri retinde Qyzyl Armııa qataryna shaqyrylady.
8-gvardııalyq atqyshtar dıvızııasynyń quramynda pýlemetshi bolǵan. Keńes Odaǵynyń Batyry Málik Ǵabdýllınmen bir rotada soǵysqan. Belarýs, Polsha, Estonııany azat etý maıdandaryna qatysqan. 1943 jyly Rjevsk shaıqasynda jaraqat alǵan. Drezdende jeńiske jetken.
Soǵystan keıingi jyldarda Samara aýdandyq atqarý komıtetiniń jalpy bóliminiń meńgerýshisi bolyp jumys istegen. 1970 jyldan bastap Almatyda tamaqtaný júıesinde sharýashylyq esep dırektory bolyp, 1983 jyly demalysqa shyqqan. Bes bala tárbıelep ósirgen.
102 jasqa qaraǵan shaǵynda ómirden ozǵan Qaıyrly Jońqabaev ekinshi dúnıejúzilik soǵysta kórsetken erlikteri úshin birneshe ordendermen jáne medaldarmen marapattalǵan.
