«Qazaqstannyń basym bóliginde atmosferalyq frontaldy bólikterdiń ótýine baılanysty aýa raıynyń turaqsyz sıpaty saqtalady, jańbyr jaýady, respýblıkamyzdyń soltústiginde, ońtústik-shyǵysynda nóser jańbyr kútiledi, elimizdiń ońtústik-shyǵysyndaǵy taýly aýdandarda da qatty jaýyn-shashyn (jańbyr, qar túrinde) bolady. Elimizdiń batysynda ǵana jaýyn-shashynsyz ashyq aýa raıy kútiledi. Respýblıka boıynsha naızaǵaı oınaý, ekpindi jel, burshaq túsý túrindegi qolaısyz aýa raıy basym. Qazaqstannyń soltústik-batysynda, soltústiginde, kúndiz ońtústik-shyǵysyndaǵy taýly aýdandarda tuman túsedi dep kútiledi», delingen habarlamada.
Jambyl oblysy, Qyzylorda óńiriniń shyǵysynda, ońtústiginde, ortalyǵynda, Atyraý oblysynyń soltústik-batysynda, soltústik-shyǵysynda, ońtústiginde, Aqtóbe óńiriniń batysynda, Batys Qazaqstan oblysynyń ońtústik-batysynda, soltústik-batysynda, soltústiginde, shyǵysynda tótenshe órt qaýpi saqtalady.
Batys Qazaqstan oblysynyń ortalyǵynda, Pavlodar, Qaraǵandy, Ulytaý oblystarynyń ońtústiginde, Mańǵystaý oblysynyń soltústik-batysynda, ońtústik-shyǵysynda órt qaýpi joǵary.
