Kollajdy jasaǵan – Qonysbaı ShEJIMBAI, «EQ»
Jarty ǵasyr buryn jaryq kórgen bul jınaq Tynyshbaı Rahımovtyń jeke kitaphanasyna tıesili eken. Alǵashqy betin asha bergende-aq aqynnyń «Tynyshbaı Raqymnyń jeke kitaphanasy» degen móri tur. Bizdi eleń etkizgen – qoltańba. Avtory – Tynyshbaı Rahımov.
«Toqash – qazaq poezııasyna eshkimdi qaıtalamaı, ózindik sony izben, poetıkalyq jańa órnekpen kelgen ózgeshe aqyn. Jyrlarynda qaıta oqyǵyń keletin jańalyqtar kóp: ıaǵnı Toqashtyń óz joly jetelep otyrady. Mine, bul – Aqyn!
Jambyl qalasy,
29.09.74»
Iá, ómirden ótken soń qanshama aqyn-jazýshynyń jeke kitaphanasy satylyp ketti. О́mir boıy jınalǵan kitaptardyń ıesiniń kózindeı jeke kitaphanaǵa aınalmaı, ár dúkenniń sóresine ketýine áleýmettik-turmystyq jaǵdaı, ıakı qoǵamdyq sana syndy faktorlar áser etken bolar.
Atalǵan jınaqqa Toqashtyń syrǵa toly óleńderi men poemalary engen. Qysqa ǵumyryn, bar tirshiligin ádebıetke ǵana arnap, sol jolǵa qalǵan qyzyqtyń barlyǵyn qurban etken aqyn:
«О́mirim burqyrap ótti ǵoı,
Ashyǵan qymyzdaı sabada.
Kúnderim – telegraf symdary,
Jyldarym – yzdıǵan baǵana»,
– dep jyrlaıdy.
