Oblystaǵy 404 mekteptiń shamamen 70 paıyzy aýyldyq jerlerde ornalasqan, onyń 204-i – shaǵyn jınaqty mektep. Aýyldyq oqý oryndarynyń sanyna qaramastan, munda oqıtyn balalar oblys oqýshylarynyń jalpy sanynyń 9 paıyzyn ǵana quraıdy. Bul másele kontıngent aıyrmashylyǵymen rastalyp otyr: aýyldyq mektepter qalalyq mektepterge qaraǵanda 10 ese az.
Mundaı alshaqtyq bilim berý júıesine úlken qıyndyqtar týǵyzady. Mysaly, bir muǵalimniń birneshe pándi oqytý máselesi nemese balalardy bir aýyldan ekinshi aýylǵa tasymaldaý qajettiligi. Biraq júıeli jumys, ınnovasııalyq tásilder jáne sıfrlyq tehnologııalardyń múmkindikterin paıdalaný arqyly bul máseleni eńserýge bolady.
«Bilim ALL» óńirlik qanatqaqty jobasy aýyl mektepteri úshin naǵyz serpilis boldy. Oblys ortalyǵynyń úzdik pedagogteri shaǵyn jınaqty mektepterdiń balalaryna onlaın formatta fızıka, matematıka, hımııa, bıologııa jáne aǵylshyn tili pánderin oqytady. Bul – mamandardyń tapshylyǵy máselesin sheship qana qoımaı, jergilikti muǵalimderdiń biliktiligi men sıfrlyq saýattylyǵyn arttyra túsedi.
Jobany iske asyrý bastalǵannan beri balalardyń bilim deńgeıine únemi monıtorıng júrgizildi. Bul bilim berý jetistikterindegi alshaqtyqtyń 4,7 paıyzǵa tómendegenin kórsetti. Biraq bastama munymen toqtaǵan joq. «Qazaqstan halqyna» qory Bilim berýdi turaqty damytý qory arqyly óńirdiń 12 tirek jáne 134 shaǵyn jınaqty mektebin zamanaýı jabdyqtarmen jaraqtandyrýǵa 5 mlrd teńge bóldi.
Bul joba zamanaýı bilim berýdiń ornalasqan jerine baılanysty bolmaýy kerek ekenin kórsetedi. Innovasııa jáne sıfrlandyrý – bilim berý teńdigine qol jetkizýdiń negizgi quraly. Aqtóbe oblysy zamanaýı tehnologııalar men senimdi seriktestiktiń kómegimen ár balaǵa sapaly bilim alý úshin teń múmkindikter berýdiń jarqyn mysaly bolyp otyr.
Jaıyq Sultan,
oblystyq bilim basqarmasynyń basshysy
Aqtóbe oblysy
