Baq-talaıym – Aqtoǵaıym!

– Aqtoǵaı aýdany – kıeli Ertis-Baıan óńiriniń damýyna zor úles qosyp kele jatqan qa­sıet­ti meken. Munda ustazdyq qyz­mett­en maıdan jolyna attanǵan ba­tyr Serikbaı Mútkenov, «Tý­ǵan jerim – máńgilik tórim» dep jyr­laǵan aqyn Qabdykárim Ydy­rysov sekildi elge tanymal aza­mattar dúnıege kelip, belgili aqyn, ánshi Estaı Berkimbaıuly máńgilik tynys tapty. Osyndaı ta­lantty tulǵalardy ómirge ákel­gen ortanyń jeri de qunarly. О́risi malǵa toly. Mol dán jınap, jerden yryzdyq tergen jurt­tyń birligi men yntymaǵy da kópke úlgi. Aýdannyń jetistigi al­daǵy ýaqytta da eselene ber­sin, – dedi saltanatty jıynda oblys ákiminiń orynbasary Serik Batyrǵojınov.

Sonymen qatar ol aýdannyń, tutas aımaqtyń órkendeýine eleýli úles qosqan bir top aza­mat­qa marapattar tabystady. Mem­lekettik qyzmet salasynyń ar­dageri Shaıahmet Sádýaqasov pen aýdandyq máslıhat tóraǵasy Ja­nat Táshenovke «Oblys aldynda sińirgen eńbegi úshin» tósbelgisin tapsyrdy. Sol sııaqty aýdan ákimi Qarshyǵa Arynov talaı jyl aýdannyń damýy úshin ter tógip kele jatqan azamattardy «Aý­dan aldynda sińirgen eńbegi úshin» belgisimen marapattady. Aýdanmen qurdas qarııalarǵa da syı-qurmet kórsetildi.

– Tarıh úshin 85 jyl bir sát bolsa, biz úshin – qarqyndy damý kezeńi. Bul ýaqyt aralyǵynda talaı synaqtan ótip, kóptegen jetistikke jettik. Turalap qalǵan ekonomıkamyzdy órkendetip, qıraǵan ǵımarattardy qalpyna keltirip, talaı tyǵyryqtan taı­­­salmaı óttik. Búginde aýdan kóleminde shaǵyn jáne orta bız­­nes qanatyn keńge jaıyp, jańa jumys oryndary qurylyp, áleýmettik nysandar ashylyp jatyr. Aldaǵy ýaqytqa bel­gilengen mindet-meje odan da kóp. Aýdanymyzdyń ár jyly bo­lashaqqa jasalǵan bir qadam dep bilemin, – dedi Aqtoǵaı aýdanynyń ákimi Qarshyǵa Arynov.

Osy oraıda aýdannyń alǵashqy ákimi, oblystyń qurmetti azamaty Ábilhaq Túgelbaev estelikterimen bólisti.

– Búgingi mereıtoı oblystyń merekesi desem, artyq aıtqandyq emes. Kezinde osy aýdanda 16-17 aýyldyq okrýgtiń barlyǵy birdeı sharýashylyǵyn shıratyp, kásibin dóńgeletip, óńirdiń ilgerileýine zor úles qosty. Qazirgi ýaqytta da oń ózgeristerdiń bolyp jatqany qýantady. Bul – elimizdegi ıgi­likti isterdiń, búginde basshy­lyqtaǵy azamattardyń uıymdas­tyrý jumysynyń, aýdan jurt­shylyǵynyń talaptanyp at­qa­ryp jatqan eńbeginiń jemisi. Aýdan­nyń topyraǵynan kópke úlgi bolarlyq talaı eńbek adamy, birtýar tulǵalar shyqqan. Osyndaı jarqyn isterge toly jerdiń baǵyndyrar belesi, alar asýy áli de alda dep oılaımyn, – dedi Á.Túgelbaev.

Mereıtoı aıasynda aýdan ortalyǵynda aqshańqan kıiz úıler tigilip, qonaqtarǵa ulttyq dám­niń túr-túri usynyldy. Aý­dan tarıhynan syr shertetin, jergilikti qolónershilerdiń týyndylary qoıylǵan kórmeler de uıymdastyryldy. Kúres, kókpar, aýdaryspaq, báıge syndy sporttyq saıystar merekeniń kórigin qyzdyra tústi. At jarys­taryna tek oblysymyzdyń emes, ózge óńirlerdiń shabandozdary da jınaldy. Alaman báıgede Ertis aýdanynyń Ámir atty shabandozy júırigimen birge toptan oq boıy ozyq keldi. 15 shaqyrymdyq toq báıgede Semeıdiń «Aısha» atty sáıgúligi eshkimge des bermedi. Kókpar da óte tartysty ótti. Aq­tyq synda Ekibastuz qalasyna qarasty Aqkól aýylynan kelgen «Saıfýllah» komandasy men Aqmola oblysynan kelgen «Bestóbe» komandasy kezdesip, aqkóldik sportshylar jeńiske jetti.

– Aqtoǵaı aýdanynyń 85 jyl­­dyǵy aıasynda tól sport­qa qurmet kórsetilip, ult­tyq oıyn­darymyzdyń uıymdastyryl­ǵanyna qýanyshtymyz. Shaban­dozdardyń at ústindegi sheber­ligin baıqaǵan balalardyń, jet­kinshekterdiń janarynan osy sport túrlerine degen qyzy­ǵýshylyq baıqaldy. Bul da bir jeńis dep bilemin. Al eki kúnge sozylǵan kókpar tartysy ońaı bolǵan joq. Komandalardyń bar­lyǵy jaqsy daıyndyqpen. Rýhymyzdy kóteretin, tól sportymyzdy ulyqtaıtyn osyndaı toılar kóp bolsyn, – deıdi «Saıfýllah» komandasynyń ókili Erkebulan Eginbaev.

Osylaısha, Aqtoǵaıdyń 85 jyl­dyq mereıtoıy keń kólemde, joǵary deńgeıde atalyp ótti. Toıǵa jınalǵan qaýym jaqsy kóńil kúımen tarqasty.

Pavlodar oblysy,

Aqtoǵaı aýdany