Konserttik baǵdarlamada kompozıtordyń el júreginen oryn alǵan tańdaýly shyǵarmalary oryndalyp, onyń ulttyq ónerge qosqan ólsheýsiz úlesi men taǵylymdy shyǵarmashylyq joly keńinen tanystyrylady. Atap aıtqanda, «Sálem saǵan, týǵan el», «Oılaısyń ba, janym», «Dombyra týraly ballada», «О́kinbe sen», «Ǵashyqtar jyry», «Qaraǵym-aı, «Anaǵa hat» jáne taǵy basqatýyndylary kórermen nazaryna usynylady.
Is-sharaǵa Nurlan О́nerbaev, Jeńis Ysqaqova, Qurmash Mahan, Baýyrjan Isaev, Erbol Tájibaev, Altynshash Muqataeva, Ádiljan Tolyqpaev, Anna Ývarova, Asqar Muqııat, Ádilhan Makın, Zarına Makına, Erlan Rysqalı, Perızat Turarova, Qýandyq Shalqaruly, Asylhan Shalqarov, Alıbek Almadıev, Nuraı Myqty, Ibrahım Amın, Sultan Ahmet, Aıym Qoǵam, Venera Tabys, «Saz&Soul» toby, «Astana» estradalyq sımfonııalyq orkestri, G-bend, «Gulder» ansambli syndy Qazaqkonserttiń óner juldyzdary men shyǵarmashylyq ujymdary qatysady. Sondaı-aq Qazaqstannyń eńbek sińirgen qaıratkerleri Sembek Jumaǵalıev, Altynaı Jorabaeva, «Astana» estradalyq-sımfonııalyq orkestriniń kórkemdik jetekshisi, «Qurmet» ordeniniń ıegeri Erjan Isın jáne Reseı halyqártisi, dırıjer, djaz pıanısi, «Fonograf-Sımfo-Djaz» orkestriniń jetekshisi Sergeı Jılın óner kórsetedi.
Keńes Dúısekeev – qazaq mýzyka óneriniń altyn qoryna engen biregeı týyndylardyń avtory, ulttyq rýh pen zamanaýı áýendi sheber ushtastyrǵan kórnekti kompozıtor. Onyń shyǵarmashylyq murasynda «Tolǵaý» sımfonııasy, «Jalańtós batyr» sımfonııalyq poema-kartınasy, «O, dúnıe» kantatasy, «Jyl mezgilderi» romanstar sıkli, sondaı-aq «Jan áke», «Qaraǵym-aı», «Sálem saǵan, týǵan el», «О́kinbe sen», «Ǵashyqtar jyry» jáne t.b. keńinen tanymal mýzykalyq shyǵarmalary bar. Sonymen qatar kompozıtor «Mádı», «Aqqý Jibek» mıýzıklderiniń, «Aldar kóse» operettasy, sımfonııa-konsert pen túrli aspaptarǵa arnalǵan konsert, kameralyq orkestrge arnalǵan shyǵarmalarmen 200-den astam ánniń avtory.
Kesh 10 aqpan kúni saǵat 18:00 Roza Baǵlanova atyndaǵy «Qazaqkonsert» MAKU-da ótedi.
