https://primeminister.kz/
Keńeste Saýda jáne ıntegrasııa mınıstrligi Saýda komıtetiniń tóraǵasy Aıdar Ábildabekov 14 qyrkúıekte Jambyl oblysynda pııaz jármeńkesi josparlanǵanyn, oǵan barlyq óńir men iri saýda jelileri shaqyrylǵanyn aıtty. Saýda komıtetiniń tóraǵasy elektrondyq shot-faktýralar (EShF) arqyly óndirýshiden dúken sórelerine deıingi ÁMAT-qa baǵa belgileý tizbegin taldaý jónindegi vedomstvonyń jumysy týraly baıandady.
«Jyl basynan beri 814 tizbekke taldaý júrgizildi, 146 fakt boıynsha saýda ústemesinen asyrý táýekelderi anyqtaldy. Keıbir aımaqtarda birinshi sanattaǵy jumyrtqalardyń baǵasy qatty ósken. Biz 5 óndirýshi boıynsha EShF-ǵa jan-jaqty taldaý júrgizdik, “Vorobev A.A.” JShS jumyrtqa baǵasyn ruqsat etilgen ústemeden asyrǵany anyqtaldy, ol qus fabrıkasynan jáne basqa kóterme saýdagerden jumyrtqa satyp alyp, odan 35%-dan 131%-ǵa deıin paıda kórip otyrǵan. “DOSAUTO KZ” JShS “Adel Kýs” JShS-dan jumyrtqa alyp, satý kezinde oǵan 71% ústeme qosyp otyrǵanyn», dep aıtty komıtet basshysy.
«Kúrish boıynsha baǵa jaǵdaıyn bólek qarastyryldy. О́tken aptada ÁMAT baǵasynyń 0,1%-ǵa tómendeýine qaramastan, kúrishtiń quny 1,1%-ǵa ósti. Aýyl sharýashylyǵy vıse-mınıstri Erbol Tasjúrekovtyń málimetinshe, qazirgi ýaqytta osy jyldyń maýsym aıynda Qyzylordada ótken kúrish jármeńkesine qaramastan, 4 óńir ǵana (Aqmola, Qostanaı jáne Túrkistan oblystary, Shymkent q.) osy jarmanyń úsh aıǵa qajetti kólemi boıynsha kelisimshartqa otyrǵan. Aýtsaıderler – ShQO (qajettilikten 9%), BQO – 22%, Aqtóbe – 36%. Keńes qorytyndysy boıynsha Serik Jumanǵarın kókónisterdi saqtaıtyn barlyq nysandy esepke qoıý boıynsha jumys júrgizýdi, óńirlerge turaqty baǵany qamtamasyz etý úshin negizgi azyq-túlik taýarlarynyń qajetti qoryn qalyptastyrý jumystaryn kúsheıtýdi tapsyrdy», delingen habarlamada.
