Foto: Túrkistan oblysy ákimdigi
Kásibin ótken jyly qarasha aıynda bastaǵan A. Baratovanyń shaǵyn sehy búginde táýligine ydys jýýǵa arnalǵan 300 lıtr suıyqtyq pen 250-300 dana kir sabyn óndiredi. О́ndirilgen ónimderin Shardara, Jetisaı, Maqtaaral aýdanymen qatar Shymkent qalasyna tapsyryspen jóneltip otyrady eken. О́nim óndirýge qajetti shıkizatty Almaty qalasy men kórshiles О́zbekstannan tasymaldaıdy. Aldaǵy ýaqytta ónim túrlerin kóbeıtip, kásiporynnyń qýattylyǵyn arttyrýǵa nıettenip júrgen jas kásipkerge memleketten qoldaý, qaıtarymsyz grant kerek.
Túrkistan oblysy ákiminiń baspasóz qyzmetiniń málimetinshe, oblys ákimi Darhan Satybaldynyń óńirlerde kásipkerlikti damytýǵa qatysty tapsyrmasy jáne qabyldanǵan memlekettik baǵdarlamalar men jan-jaqty qoldaýlar jeke kásippen shuǵyldanýǵa jáne kásibin keńeıtýge nıettenýshilerge mol múmkindik qarastyrǵan. Sondaı múmkindikterdi Shardara aýdanynan 21 jas tıimdi paıdalanyp, 1,3 mln teńge qaıtarymsyz grant alsa, 33 jas 5 mln teńgege deıingi granttarǵa qujat tapsyrǵan.
«Biz óz isin bastaımyn nemese kásibimdi keńeıtemin degen kez kelgen jasqa qoldaý kórsetýge daıynbyz. Túsindirý jumystaryn da úzdiksiz júrgizip kelemiz», deıdi Shardara aýdandyq «Jastar resýrstyq ortalyǵy» KMM-i basshysy Batyr Qaldarbek.
Jeke qarajaty esebinen óz isin bastaǵan A.Baratova kásibiniń qyr-syryn Almaty qalasynda baýyrlarymen birge oqyp, úırengen. Búginde ónimderine degen suranystyń artýyna baılanysty qosymsha qural-jabdyqtar men jumysshy kúshin arttyrý boıynsha qujattaryn daıyndaýdy qolǵa alǵan jáne úlken qalalardaǵy saýda ortalyqtary men tutynýshylarǵa ónim jetkizip berý mekemelerimen de kelisim sharttar jasaýdy bastaǵan.
