Foto: https://web.telegram.org/
«Kásipkerler «shaǵymdanýshy» nemese «qoldaýǵa muqtaj» rólinde kórinbeı, memlekettik apparattyń teńquqyly seriktesine aınalýǵa tıis. Jeke kapıtaldy qorǵaý deńgeıiniń osaldyǵy, memlekettiń ekonomıkaǵa shamadan tys aralasýy, baǵanyń naryqqa qaıshy jolmen belgilenýi jáne shamadan tys retteý tetikteri – bıznesti tolǵandyratyn máseleler munymen bitpeıdi. Kásipkerlerdiń sottarǵa, quqyq qorǵaý jáne salyq organdaryna, jergilikti bılikke qatysty shaǵymdary azaımaı tur. Bul rette bıznes tarapynan da salyqtan jaltarý, kapıtaldy jylystatý, memlekettik qoldaýǵa ıe bolǵan kezde alaıaqtyq jasaý faktileri jıi ushyrasady. Eńbek ujymdarynyń quqyǵyn taptaý jaǵdaılary da keń taralǵan. Osynyń saldarynan eki tarap árdaıym bir-birine seziktene qarap, kiná artýǵa daıyn turady», degen Memleket basshysy dástúrge aınalǵan kezdesýde el ekonomıkasyn nyǵaıtýǵa kúsh salýshy kásipkerlerdiń quqyǵy qorǵalýy tıis ekenin aıtty.
