«Búgingi sammıttiń, shyn máninde, mańyzdy jıyn bolatynyna jáne kópjaqty yntymaqtastyqtyń aldaǵy damý qarqynyn aıqyndaıtynyna senimdimin», dedi Qasym-Jomart Toqaev.
Prezıdent óz sózinde konsýltatıvtik kezdesýlerdiń formaty ómirsheń bolyp qana qoımaı, perspektıvasy zor, pármendi alańǵa aınalǵanyn atap ótti.
«Bul – qýanyshty jaıt. Buǵan kez kelgen máseleni konstrýktıvti túrde sheshýge múmkindik beretin belsendi ári senimdi saıası dıalog yqpal etedi. О́zara tıimdi saýda-ekonomıkalyq yntymaqtastyq dáıekti túrde keńeıip keledi. Bıznes arasyndaǵy baılanystar jandanyp, birlesken kásiporyndar sany arta tústi. Iri aımaqtyq jobalar bárimizge aıtarlyqtaı paıda ákelip qana qoımaı, sonymen qatar Ortalyq Azııa ekonomıkasynyń búkil qurylymyn ózgertedi», dedi Memleket basshysy.
Qasym-Jomart Toqaevtyń aıtýynsha, sońǵy bes jylda óńirishilik taýar aınalymy 80 paıyzdan astam ósip, 10,6 mıllıard dollarǵa jetti.
«Munymen shektelip qalmaıtynymyzǵa senimdimin. Saýda-sattyqty odan ári damytý úshin elderimizdiń áleýeti zor», dep qosty Prezıdent.
