«Jahandyq klımattyq ózgerister, sý tapshylyǵy kezeńiniń bastalýy jáne sýarmaly egistikke sýdyń jetispeýshiligi Ortalyq Azııanyń qaýipsizdigine qater tóndiredi. Halyqaralyq sarapshylardyń málimetine sáıkes bizdiń aımaqtaǵy temperatýra jer sharyndaǵy ortasha kórsetkishpen salystyrǵanda, áldeqaıda tez kóterilip keledi. Bul Aral teńizi basseıniniń negizgi sý kózi sanalatyn muzdyqtar kóleminiń kishireıýine ákep soqtyrady. Olardyń kólemi sońǵy 50 jylda 30 paıyzǵa kishireıgen», dedi Prezıdent.
Sarapshylardyń baǵalaýy boıynsha 2050 jylǵa qaraı Ortalyq Azııadaǵy qýańshylyq jylyna IJО́-niń 1,3 paıyz mólsherinde zııan keltirýi múmkin. Bul 5 mıllıonǵa jýyq ishki «klımattyq» mıgranttyń paıda bolýyna túrtki bolady.
