https://www.ijf.org/
Erler arasynda 60 kelide Maǵjan Shamshadın, 66 kelide Ǵusman Qyrǵyzbaev, 73 keli salmaqta Danııar Shamshaev, 81 kelide Abylaıhan Jubanazar, 90 kelide Dıdar Hamza, 100 kelide Nurlyhan Sharhan, asa aýyr salmaqta Ǵalymjan Qyryqbaı medal úshin beldesedi.
Qyzdar arasyndaǵy dodada Ábıba Ábýjaqynova 48 kelide, Ǵalııa Tynbaeva 52 kelide, Sevara Nyshanbaeva 57 kelide, Esmıgúl Kýıýlova 63 kelide, Anastasııa Maıakova 70 kelide, Arýna Jangeldına 78 kelide, Kamıla Berliqash 78 keliden joǵary salmaqta kúresedi. Erler quramasynyń bas bapkeri Nurbol Súleımenov jazǵy Azııa oıyndaryna baratyn balýandardy irikteý álemdik deńgeıdegi saıystarda kórsetken nátıjesine qaraı júrgizilgenin málimdedi.
Qazaqstan sportshylary jazǵy Olımpıada oıyndaryna 1994 jyldan beri qatysyp keledi. Dzıýdo sportynan ázirge tek eki altyn medal buıyrdy. 2014 jyly Ońtústik Koreıanyń Inchhon qalasynda ótken jazǵy Azııa oıyndarynda Eldos Smetov 60 kelide altyn aldy. 2018 jyly Djakartada (Indonezııa) ótken jazǵy Azııa oıyndarynda Dıdar Hamza (81 keli) altyn medal oljalady. Kúmis, qola medal enshilegen balýandarymyz da az emes. Bul joly kimniń baǵy janaryn Qytaıdaǵy «Azııa olımpıadasy» aıqyndaıdy.
