Jıynda adam jáne qyzmetkerler quqyǵy, eńbek naryǵy men kedeılikti jeńý máselesi, eńbek daýlaryn retteý, HR-mamandaryn damytý tájirıbeleri jóninde birshama mańyzdy másele talqylanyp jatyr.
Is-shara barysynda sóz sóılegen «Otbasy bank» AQ Basqarma tóraıymy Lázzat Ibragımova, qazir kompanııalar eldegi daryndylar úshin básekelesip jatqanyn aıtyp ótti. Onyń sózinshe, IT-mamandar men myqty menedjerler elimizde tapshy.
«Búginde qandaı kompanııa bolsyn bıznesti avtomattandyrýǵa baryn salady. Al ol úshin bilikti mamandar qajet. Eń daryndylarǵa qazir báseke qyzý. Eger álde bir mamannyń shyn máninde myqty ekenine kózim jetse, men ony ózim shaqyryp, sóılesýge tyrysam», deıdi Otbasy bank basshysy.
Otbasy banktiń adam resýrstary jáne uıymdastyrý qyzmeti jónindegi departament dırektory Asyl Aıtqulov, HR-mamandary qashan da qoldaý kútetinin atap ótti. Olarǵa durys ári ýaqytyly berilgen baǵyt pen maqsaty aıqyn tapsyrmalar kompanııa vektoryn dál anyqtap, ujym qyzmetin damytatynyn atap ótti.
«Ujym arasyndaǵy korporatıvtik mádenıet joǵary, biz ár qyzmetkerdi estýge, onymen dıalog qurýǵa tyrysamyz. О́skeleń urpaqtyń «Ideıalar bankin» qýana qarsy alamyz», dedi ol.
Paneldi sessııa sońynda ár kompanııanyń basshysy túıin sóz sóılep, HR-salany damytý jóninde oılaryn ortaǵa saldy. Al biz halyq arasynda keńinen tanymal, ıpotekalyq naryqtaǵy salmaǵy aýyr, iri qarjy ınstıtýtynyń tóraıymy Lázzat Ibragımovany taǵy da sózge tarttyq.
«Biz jumysqa árdaıym sarapshylardy, bilikti mamandardy izdeımiz. Kommersııalyq bankterge qaraǵanda, junior-larmen jumys bastap, ıaǵnı azdaǵan tájirıbesi bar jas mamandardy alyp, olardy oqytamyz. Bizdiń qyzmetkerlerdiń ortasha jumys ótili 6 jyldy quraıdy, bul jaqsy HR kórsetkishi. Kommersııalyq uıymdarda qyzmetkerlerdiń negizgi motıvasııasy – jalaqy bolsa, kvazımemlekettik sektor kompanııalary keshendi tásilderdi qoldanýy kerek. Biz óte lıberaldymyz, jastardyń erkindigin shektemeımiz. Sondaı-aq qyzmetkerlerdiń kásibı ósýi men mansabynyń joǵarlaýyna bank pen holdıng ishinde óte jaqsy múmkindikter qarastyrylǵan. Bankte menedjer sanatynan jetekshilik qyzmetke deıin kóterilgen kóptegen qyzmetkerlerimiz bar», dedi L.Ibragımova
Sondaı-aq bank basshysy ár qyzmetkerge Otbasy bank mıssııasyn jiti túsindiretinin jetkizdi. Sebebi bul qyzmettiń túp-tórkininde ıgi amaldar, otbasylyq qundylyqtar, qazaqstannyń árbir otbasyn baspanaman qamtamasyz etý sııaqty izgi nıetter jınaqtalǵanyn jetkizdi.
