foto: polisia.kz
Qaıǵyly oqıǵa 17 qyrkúıek kúni saǵat 19:30 shamasynda BQO, Terekti aýdany, Bekeı kentiniń janynda Samara - Shymkent respýblıkalyq mańyzy bar avtojolynyń 290-shaqyrymynda bolǵan. Aýyr júk kóligi DAF fýrasymen Lada Priora jeńil kóligi soqtyǵysqan.
«Jol kólik oqıǵasy saldarynan 6 adam qaza tapty. Olar: 34 jáne 33 jastaǵy eresek adamdar, 11, 12, 5, 1 jastaǵy kámeletke tolmaǵan balalar. Júk kóliginiń 37 jastaǵy júrgizýshisi zardap shekti. Oqıǵanyń tolyq mán-jaıyn anyqtaý maqsatynda oqıǵa ornynda polısııa qyzmetkerleri jumys istep jatyr», dep habarlady patrýldik polısııa batalony komandıriniń orynbasary Shyńǵys Birmanov.
Sondaı-aq polısııa qyzmetkeri jol júrgen kezde barlyq erejelerdi saqtap, jyldamdyqty asyrmaýdy surady.
