Ekologııalyq mádenıetti arttyrýdy maqsat tutqan is-shara kezinde Jastar resýrstyq ortalyǵy Áýlıetaý, (Aqmeshit áýlıe), Edige, Altynshoqy taýlary, Terekti áýlıe petroglıfteri, Dombaýyl, Joshy han, Alasha han keseneleri, Han ordasy, Bulanty shaıqasy ótken kıeli jerlerdi qoqystan tazartyp, osy jerlerdiń bárinde senbilik uıymdastyrdy.
– Senbilik barysynda jergilikti turǵyndardyń, sondaı-aq kıeli mekenderge arnaıy keletin týrısterdiń aınalany búldirmeı taza ustaýǵa daǵdylanyp kele jatqanyn kórip qýandyq. О́ıtkeni, taý etegine qydyrystap keletin kópshiliktiń sońynda buryn kóp qoqys qalatyn. Keshegi senbilikte biz muny baıqamadyq. Jelmen ushyp kelgen azdy-kópti qaǵaz qaldyqtary kezdeskeni bolmasa, aıtarlyqtaı qoqysty kórmedik. Halyq qoqys shashpaýdy úırenip keledi, – deıdi Ulytaý aýdany Jastar resýrstyq ortalyǵynyń ınspektory Aqerke Kárimova.
Ulytaý oblysy
