Osyǵan deıin jartylaı orta salmaqta (76,2 kılo) besinshi orynda turǵan Gennadıı Golovkın jańartylǵan reıtıngte TOP-10 boksshynyń qatarynan shyǵyp qaldy. Oǵan sebep – jerlesimizdiń uzaq ýaqyt boıy judyryqtaspaýy. Bul salmaqta «Kanelo» jeke-dara kósh bastap tur. 33 jastaǵy Gvadalaharanyń týmasy kásipqoı boksty serik etken 18 jyl aralyǵynda 63 kezdesý ótkizip, 59 márte jeńiske jetti. 39 qarsylasyn nokaýtqa jiberdi. Eki básekede utylyp, taǵy eki ret teń esep tirkeldi. Ekinshi orynda – Davıd Benavıdes. 26 jastaǵy AQSh-tyń azamaty 27 jekpe-jektiń birde-bireýinde utylǵan joq. Ol 23 aıqasta aıqyn basymdyq tanytty. Úshinshi satyǵa taǵy bir meksıkalyq boksshy Haıme Mýngııa jaıǵasty. 26 jastaǵy Tıhýanyń týmasy 42 kezdesýdiń barlyǵyn óz paıdasyna sheship, 33 básekeni merziminen buryn aıaqtady.
TOP-10 boksshynyń qatarynda Krıstıan Mbıllı (Fransııa), Davıd Morrel (Kýba), Keıleb Plent (AQSh), Djon Raıder (Ulybrıtanııa), Demetrıýs Andrade (AQSh), Lerroýn Rıchards (Ulybrıtanııa) jáne Karlos Gongora (Ekvador) syndy jýan judyryqty jigitter bar.
