FOTO: velodaily.ru
Pırneı túbegindegi 101,5 shaqyrymdyq saıysta Kaden Groývz («Alpecin-Deceuninck») aldyna jan salmady. Aýstralııanyń veloshabandozy bul qashyqtyqty 2 saǵat 24 mınýt 13 sekýndta júrip ótti. Ekinshi jáne úshinshi oryndardy ıtalııalyq Fılıppo Ganna («INEOS Grenadiers») men germanııalyq Nıko Dens («BORA-hansgrohe») ıelendi. «Astananyń» ókili Fabıo Fellıne kómbege 43-shi bolyp jetti.
Bıylǵy «Ispanııa Výeltasynda» alǵashqy úsh orynnyń barlyǵyn da Nıderlandtyń «Jumbo-Visma» klýbynyń músheleri ıelendi. Segizinshi kezeńde jalpy esepte kósh bastaǵan 29 jastaǵy AQSh-tyń veloshabandozy Sepp Kýss odan keıin tizgindi eshimge bermeı, aqyry bas júldeni oljalady. Onyń ýaqyty – 76 saǵat 48 mınýt 21 sekýnd. Ekinshi oryndy ıelengen danııalyq Ionas Vıngegor Kýsstan bar-joǵy 17 sekýnd qalyp qoıdy. Slovenııalyq Prımoj Roglıch úshinshi satyǵa taban tiredi. Al «Astananyń» sportshylary arasynan eń úzdik kórsetkishke Andreı Zeıs qol jetkizdi. Ol 46-orynǵa turaqtady.
