Foto: OKQ
Spıkerdiń pikirinshe, kıikterdi aýlaýǵa baılanysty máseleler joıylyp ketken ınfraqurylymdy qalpyna keltirýdi, ıaǵnı, atap aıtqanda, et pen teri óńdeýdi jolǵa qoıýdy qajet etedi. Kıikterdiń múıizine keletin bolsaq, halyqaralyq konvensııaǵa sáıkes olardy kommersııalyq satýǵa tyıym salynǵandyqtan, olardy alyp, Ohotzoopromda saqtaý kerek.
«Ǵalymdar kóktemgi esep boıynsha kıik basynyń 20%-na deıin, ıaǵnı 1 mln 915 myń daraqty aýlaýdy usynǵan. Biraq bul kórsetkish áli bekitilgen joq. Eń bastysy, tabıǵatqa zııan keltirmeý, eshqashan belgili bir kıik sanynyń basyn qysqartpaý kerek. Aýlaý el ekonomıkasyna, popýlıasııany retteý maqsattaryna jumys isteýge tıis. Túsken qarajattyń bir bóligi fermerlerge eginniń taptalýynan keltirilgen zalaldy óteýge jumsalady», deıdi A.Kım.
Sondaı-aq kıikterdi qolǵa úıretý týraly suraqqa jaýap bergen A.Kım Jáńgir han atyndaǵy Batys Qazaqstan agrarlyq-tehnıkalyq ýnıversıteti birneshe jyldan beri osy baǵytta jumys istep kele jatqanyn rastady.
