Comic Con Astana festıvali Qazaqstanda ekinshi ret ótti. Astana damý ortalyǵy qoldaý bildirgen bul is-shara elordany tek qana resmı, iskerlik sharalar ótetin alań ǵana emes, jastarǵa arnalǵan qyzyqty mádenı oqıǵalardy tarta alatyn jańa ortalyq retindegi mártebesin nyǵaıtýda mańyzdy qadamdardyń biri boldy.
Comic Con Astana-nyń negizgi oqıǵalarynyń biri jalpy júlde qory 10 000 000 tg bolatyn kásibı kospleıerler baıqaýy boldy. Oǵan álemniń 5-ten astam elinen kelgen kospleı komandalary qatysty.
Baıqaýdyń gran-prıi 3,5 mln teńgeni RaidShadowLegends-tegi Harıma keıipkeriniń kospleıi úshin Keller nıkneımi bar 23 jastaǵy kospleıshi aldy. Birinshi oryn úshin 1,6 mln teńge júldeni Diablo-daǵy Lilith keıipkerin beınelegeni úshin Isabelka nıkneımi bar 28 jastaǵy stýdent kospleıer aldy. Ekinshi oryn jáne 1 mln teńgeni God of War Ragnarok-taǵy valkırııa patshaıymy Freııa keıipkeri úshin 29 jastaǵy almatylyq Taıs Týkanova jeńip aldy. Úshinshi oryn jáne 700 myń teńgeni Horizon: Forbiddenwest-tegi Eloı beınesin beınelegeni úshin Almatydan kelgen 20 jastaǵy kórkemsýret mektebiniń muǵalimi Reddisson degen nıkneımi bar kospleıer qyz aldy. Sondaı-aq qazylar alqasy tehnıkalyq jaǵynan eń kúrdeli, eń egjeı-tegjeıli tigilgen kostıým, úzdik qoıylym jáne t.b. nomınasııalar boıynsha syılyqtar berdi.
